KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

Sahibkarların maarifləndirilməsi tədbirləri davam etdirilir 28.09.23

Qaxda sahibkarlar dövlətin güzəştli kreditləri, Şəmkirdə isə bitki mühafizə vasitələrindən və aqrokimyəvi maddələrdən düzgün istifadə qaydaları barədə məlumatlandırılıb.

Qaxda Kiçik və Orta Biznesin İnkişafı Agentliyinin (KOBİA) təşkilatçılığı ilə sənaye sahəsində fəaliyyət göstərən sahibkarlıq subyektlərinin maliyyə resurslarına çıxış imkanlarına dair görüş keçirilib. Tədbirdə İqtisadiyyat Nazirliyinin regional bölməsinin, KOBİA-nın, Sahibkarlığın İnkişafı Fondunun, Qax Rayon İcra Hakimiyyətinin və bankların nümayəndələri, 40-a yaxın sahibkar iştirak edib.

Tədbirdə dövlətin güzəştli kreditləri və onun yönəldildiyi prioritet istiqamətlər, eləcə də KOBİA-nın biznes planın hazırlanması və güzəştli kreditlər barədə sahibkarların məlumatlandırılması işinə dəstəyi barədə məlumat verilib, sənaye sahəsində fəaliyyət göstərən sahibkarlıq subyektlərinin maliyyə resurslarına çıxış imkanları müzakirə edilib. Görüş çərçivəsində sahibkarları maraqlandıran suallar cavablandırılıb, təklifləri dinlənilib.

Şəmkir rayonunda isə KOBİA-nın iştirakı, Azərbaycan Respublikasının Qida Təhlükəsizliyi Agentliyinin (AQTA) təşkilatçılığı ilə bitki mühafizə vasitələrindən və aqrokimyəvi maddələrdən düzgün istifadə qaydaları ilə bağlı maarifləndirici görüş keçirilib. Tədbirdə bitkiçilik məhsullarının istehsalı ilə məşğul olan sahibkarlar və aqronomlar iştirak ediblər. İştirakçılara kimyəvi mübarizə zamanı təhlükəsizlik qaydalarına əməl olunması, yüksək toksiki-ekoloji təhlükəli preparatlardan istifadə qaydaları, istifadə müddəti bitmiş, istifadəyə yararsız bitki mühafizə vasitələri və gübrələrə dair tələblər və onların məhvedilməsi qaydaları, eləcə də ilkin istehsal sahələrində “Bitki sağlamlığının izlənilməsi” və “Bitki mühafizə vasitələrinin, pestisidlərin və gübrələrin anbar sahəsinə mədaxil və məxaricinin uçotu”nun aparılması qaydaları izah edilib. Həmçinin tədbir çərçivəsində sahibkarların sualları cavablandırılıb, pestisidlərin tətbiqi zamanı ətraf mühitin çirklənməsinin və zəhərlənmə hallarının qarşısının alınması üçün zəruri məlumatlar çatdırılıb, çap materialları paylanıb.