KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

Sədrin müraciəti

Hörmətli sahibkarlar,

Azərbaycan Respublikasının Prezidenti cənab İlham Əliyevin davamlı inkişaf siyasətinin aparıcı istiqaməti olan sahibkarlıq sahəsində idarəetmənin daha da təkmilləşdirilməsi məqsədilə yaradılmış Kiçik və Orta Biznesin İnkişafı Agentliyinin fəaliyyətə başlaması münasibətilə Sizi təbrik edir və Agentliyin internet səhifəsi vasitəsilə Sizi salamlamaqdan məmnunluq duyuram.

Məlum olduğu kimi, ötən illər ərzində cənab Prezidentin müəyyən etdiyi strateji xəttin ardıcıl reallaşması və bu məqsədlə həyata keçirilən sistemli islahatlar nəticəsində sahibkarlığın ölkə iqtisadiyyatında rolu əhəmiyyətli dərəcədə artmışdır. Təbii ki, bu biznes mühitin əlverişliliyinin artırılması, sahibkarlığa çoxsaylı dəstək mexanizmlərinin yaradılması ilə mümkün olmuşdur. Fəaliyyətimiz bu illər ərzində qazanılmış uğurlara söykənərək hazırki inkişaf mərhələsinin çağırışlarına uyğun siyasətin həyata keçirilməsinə yönələcəkdir.

Əsas məqsədimiz kiçik və orta biznes üçün dəstək tədbirlərinin əhatə dairəsinin, biznes mühitinin əlverişliliyinin daha da artırılması, tənzimləmə sisteminin səmərəliliyinin yüksəldilməsi, idarəetmədə şəffaflığın tam təmin edilməsi vasitəsilə bu sektorun davamlı inkişafına nail olmaqdan ibarət olacaqdır. Hazırda Agentlik tərəfindən yaradılmaqda olan KOB Evləri və vahid elektron platforma üzərindən e-KOB portalı çoxsaylı dəstək və xidmətlərə rahat, maneəsiz çıxış imkanlarınızı təmin edəcəkdir. Hədəfimiz qurumu sahibkarın dostu kimi önəmli missiyanın daşıyıcısına çevirməkdir.

Bu hədəflərə nail olmaq üçün fəaliyyətimizi sahibkarlarla, onların ictimai birlikləri ilə sıx əməkdaşlıq şəraitində həyata keçirəcəyik. Bu baxımdan, Sizi əməkdaşlığa dəvət edir və birgə səylərimizin ölkə Prezidentinin müəyyən etdiyi strateji xəttin reallaşmasına əhəmiyyətli tövhə verəcəyinə əminliyimi Sizinlə bölüşürəm.

İdarə Heyətinin sədri

Orxan Məmmədov