Mikro, kiçik və orta sahibkarların bilik və bacarıqlarının artırılması, innovasiyalara çıxışının genişləndirilməsi, müasir çağırışlara uyğun təlimlərin təşkili və praktik məsləhət xidmətlərinin göstərilməsi biznesin qurulması və inkişafı üçün əhəmiyyətlidir.
Bu məqsədlə Kiçik və Orta Biznesin İnkişafı Agentliyinin (KOBİA) strukturunda KOB inkişaf mərkəzləri (KOBİM) fəaliyyət göstərir.
KOB inkişaf mərkəzlərində aşağıdakı istiqamətlər üzrə təcrübəli və peşəkar ekspertlər tərəfindən təlim və seminarlar keçirilir, fərdi və qrup halında məsləhət xidmətləri göstərilir, KOB-ların şəbəkələşməsinə, sahibkarlıq fəaliyyəti ilə bağlı yeniliklər barədə məlumatlandırılmasına və s. dəstək təmin olunur:
- Biznesin planlaşdırılması
- Biznesin inkişaf etdirilməsi
- Marketinq
- Satış
- Biznes sahəsində qanunvericilik
- Maliyyənin idarə olunması
- İnsan resurslarının idarə edilməsi və s.
Mərkəzlərdə həmçinin, innovativ sahibkarlığa, startaplara və ailə biznesinə dəstək göstərilir, qadınlar, əlilliyi olan şəxslər və gənclər arasında sahibkarlığın təşviqi, KOB-ların məlumatlandırılması istiqamətində digər tədbirlər həyata keçirilir.
KOB inkişaf mərkəzlərində göstərilən bütün xidmətlər ödənişsizdir.
ƏTRAFLI: WWW.KOBIM.AZ
Powered by Froala Editor
