KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İstehsal ilə məşğul olan sahibkarlara dəstək – KOB Model Müəssisəsi “Bakı KOB evi”ndə sahibkarlara 8 minə yaxın B2B xidmət göstərilib KOB-lar və startaplar üçün investisiya cəlbi ilə bağlı vörkşop keçiriləcək Sahibkarlar “Bakı KOB evi”nə daha çox hansı dövlət xidmətləri üçün müraciət edirlər “Startap” şəhadətnaməsinin dublikatını almaq olurmu? KOBİA investorları KOB-ların və startapların layihələrinə sərmayə qoymağa çağırır KOB-ların “yaşıl iqtisadiyyat”a transformasiyası və “yaşıl maliyyələşmə”yə dair seminar keçirilib 6 mikro sahibkara “Startap” şəhadətnaməsi verilib Azərbaycan və Pakistan iş adamları arasında B2B görüşlər keçirilib KOBİA nümayəndələri Səudiyyə Ərəbistanında səfərdə olub

Qazaxıstanın Sahibkarlığın İnkişafı Fondunun nümayəndələri KOBİA-nın təcrübəsi ilə tanış olublar 03.04.24

Qazaxıstan nümayəndə heyəti üçün ölkəmizdə KOB mühitinə, KOB-lara göstərilən dəstək və xidmətlərə dair təqdimatlar təşkil olunub.

Qazaxıstanın “Damu” Sahibkarlığın İnkişafı Fondunun nümayəndələri Azərbaycanın kiçik və orta sahibkarlıq sahəsində təcrübəsini öyrənmək məqsədilə ölkəmizdə səfərdə olublar.

Səfər Kiçik və Orta Biznesin İnkişafı Agentliyi (KOBİA) və fond arasında imzalanmış Anlaşma Memorandumu çərçivəsində baş tutub. İki gün davam edən səfər zamanı Qazaxıstan nümayəndə heyəti üçün KOB sahəsində qanunvericilik, bu sahədə dəstək və xidmətlər, o cümlədən KOBİA-nın fəaliyyəti, KOB dostu və KOB evi mexanizmləri, yeni KOB subyektlərinin yaradılması və inkişafı məqsədilə həyata keçirilən layihələr barədə təqdimatlar keçirilib, nümayəndə heyətini maraqlandıran suallar cavablandırılıb.

Qonaqlar həmçinin, “Bakı KOB evi”ndə sahibkarlara vahid məkanda xidmətlərin göstərilməsi üçün yaradılmış şəraitlə tanış olublar.

Qeyd edək ki, 2024-cü ilin mart ayında KOBİA və Qazaxıstanın “Damu” Sahibkarlığın İnkişafı Fondu arasında əməkdaşlıq haqqında Anlaşma Memorandumu imzalanıb. Sənəddə iki ölkə arasında KOB sahəsində əlaqələrin daha da inkişaf etdirilməsi məqsədilə bir sıra tədbirlər, o cümlədən məlumat və təcrübə mübadiləsi, sahibkarlıq sahəsində təlim proqramlarının reallaşdırılması, birgə layihələrin yaradılması və təşviqi, müxtəlif tədbirlərin təşkili və s. nəzərdə tutulur. Memorandumla birgə həmçinin, kiçik və orta biznesə dəstək tədbirlərinin keçirilməsi üzrə Yol Xəritəsi də təsdiq edilib. Müvafiq memorandumdan irəli gələrək KOB-lara dəstək və xidmət sahəsində təcrübənin öyrənilməsi məqsədilə KOBİA-nın bir qrup əməkdaşının Qazaxıstana səfəri nəzərdə tutulur.