KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

Bakıda 2-ci Türk Dövlətləri Aqro Biznes Forumu keçirilib 26.09.23

2-ci Türk Dövlətləri Aqro Biznes Forumunda KOBİA sədri Türk Dövlətləri Təşkilatına üzv ölkələr arasında aqrobiznes potensialını genişləndirən və yeni qarşılıqlı əlaqə formatlarını müəyyən edən vahid platformanın yaradılmasının nəzərdən keçirilə biləcəyini qeyd edib.

Bakıda Kənd Təsərrüfatı Nazirliyinin və Türk Dövlətləri Təşkilatının təşkilatçılığı ilə 2-ci Türk Dövlətləri Aqro Biznes Forumu keçirilib.

Türk dövlətlərindən rəsmi şəxslərin və özəl şirkət təmsilçilərinin iştirakı ilə keçirilən tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Agentliyin təşkilatın əlaqəli qurumları ilə əməkdaşlığı, aqrar sahədə çalışan KOB-lara Agentliyin dəstəyi barədə məlumat verib. Qeyd edilib ki, kənd təsərrüfatı və qida sənayesi KOB subyektlərinin daha çox fəaliyyət göstərdiyi sektorlardandır. Bu səbəbdən aqrobiznes fəaliyyətinin qurulması və inkişaf etdirilməsinə dəstək KOBİA-nın fəaliyyət gündəliyinə daxildir. Agentlik bu istiqamətdə KOB-ların satış imkanlarının genişləndirilməsinə, məhsul və xidmətlərinin tanıdılmasına dəstək göstərir. Mütəmadi olaraq kənd təsərrüfatı sahəsində fəaliyyət göstərən sahibkar və fermerlərlə görüşlər və maarifləndirmə tədbirləri keçirilir. Aqrar sahədə fəaliyyət göstərən sahibkarlar KOBİA-nın nəzdində olan KOB evlərində dövlət və özəl qurumlarının xidmətlərindən istifadə edə bilərlər.

KOBİA sədri Agentliyin Türk Dövlətləri Təşkilatı ilə əlaqəli qurumlar və müşahidəçi ölkələrin müvafiq təsisatları ilə əməkdaşlıq etdiyini, təşkilata üzv ölkələr arasında aqrobiznes potensialını genişləndirən və yeni qarşılıqlı əlaqə formatlarını müəyyən edən vahid platformanın yaradılmasının nəzərdən keçirilə biləcəyini qeyd edib.