Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
İnvestisiya qoyuluşu üçün imkanlar genişlənir: investisiya təşviqi mexanizmi artıq 17 strateji istiqaməti əhatə edir İşğaldan azad edilmiş ərazilər investorlar üçün geniş imkanlar təqdim edir Anım Gününə həsr olunmuş qanvermə aksiyası keçirilib Altun Yasinli: “Klasterləşmə mövcud resurslardan daha səmərəli istifadəyə imkan yaradır” “Performance System”in fəaliyyətinin mərkəzində startap yanaşması dayanır - MÜSAHİBƏ Omanın RIYADA təşkilatının nümayəndə heyəti “Bakı KOB evi”ndə olub Könüllü qanvermə aksiyası keçiriləcək Sahibkarlar lisenziyalar üçün KOB evlərinə müraciət edə bilərlər KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar...
“Uğurlu tərəfdaşlıqda xanım sahibkarlar” layihəsi başa çatıb 10.03.26
“Uğurlu tərəfdaşlıqda xanım sahibkarlar” layihəsi başa çatıb

Layihə çərçivəsində 100-dən çox xanım sahibkar üçün təlimlər, tədbirlər, ofis və istehsalat ziyarətləri təşkil olunub. 

Kiçik və Orta Biznesin İnkişafı Agentliyinin (KOBİA), “Marsol Group” və İş adamları Cəmiyyətinin Milli Assosiasiyasının (İCMA) birgə təşkilatçılığı ilə üçüncü dəfə keçirilən “Uğurlu tərəfdaşlıqda xanım sahibkarlar” layihəsindən 100-dən çox xanım sahibkar faydalanıb. Qadın sahibkarların iqtisadi və sosial həyatda fəallığının artırılması və onlar arasında işgüzar əlaqələrin genişləndirilməsi məqsədi daşıyan layihə bu il də qadın sahibkarlar arasında tərəfdaşlıq və netvörkinqin gücləndirilməsinə töhfə verib. İki ay davam edən layihə çərçivəsində müxtəlif sektorları təmsil edən qadın sahibkarlar üçün təlimlər, tədbirlər, ofis və istehsalat ziyarətləri, həmçinin sosial fəaliyyətlər təşkil olunub. 

Layihənin yekunlarına həsr olunmuş tədbirdə layihədən faydalanmış qadın sahibkarlar, layihəyə dəstək göstərən qurumların və tərəfdaşların nümayəndələri iştirak ediblər.

Tədbirdə KOBİA-nın İdarə Heyəti sədrinin birinci müavini Samir Hümbətov, İCMA-nın İdarə Heyətinin sədri və “Marsol Group”un təsisçisi Tural Mustafayev, həmçinin Azərbaycanda Qadın Sahibkarlığının İnkişafı Assosiasiyasının İdarə Heyətinin sədri Səkinə Babayeva qadın sahibkarlığının inkişafının ölkə iqtisadiyyatı üçün əhəmiyyətini vurğulayıb, bu istiqamətdə həyata keçirilən təşəbbüs və layihələrin sahibkar xanımların biznes bacarıqlarının inkişafına töhfə verdiyini qeyd ediblər. 

Tədbirdə layihənin tərəfdaşları - “Kapital Bank”ın, “Məlhəm Beynəlxalq Hospital”ın, “Corian Baku” şirkətinin, “Gizli Bahçe” restoranının, “Ətirşah Parfüm”ün, “Moon Group”un nümayəndələri qadın sahibkarlığının dəstəklənməsi üçün layihə və təşəbbüsləri barədə məlumat veriblər. 

Tədbir çərçivəsində layihədə aktiv iştirak etmiş xanım sahibkarlara sertifikatlar təqdim olunub. 

Powered by Froala Editor