Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOB Model Müəssisə istehsal prosesində sahibkarlara dəstək göstərir KOB inkişafı mərkəzləri biznes sahəsində 300-dən çox təlim keçib Gələn il KOB-ların rəqəmsallaşma və yaşıl keçid üzrə şəbəkələşməsi genişləndiriləcək Azərbaycan sahibkarlarının təqribən 23 faizini qadınlar təşkil edir Qarabağda biznes qurmaq üçün 3500-dən çox yerli sahibkar KOBİA-ya müraciət edib Zəfər Günü münasibətilə Göyçayda “KOB FEST” sərgi-satış yarmarkası keçirilir Azərbaycan - Birləşmiş Ərəb Əmirlikləri Birgə Biznes Şurasının həmsədrlərinin ilk iclası keçirilib Enerji səmərəliliyi ilə əlaqəli enerji istehlak edən qurğu və avadanlıqlara dair texniki reqlament layihələri ictimai dinləmə və müzakirəyə çıxarılacaq Zəfər Gününə həsr olunmuş tədbir keçirilib Yanacaqlar, mayeləşdirilmiş qazlar və qazla işləyən avadanlıqların təhlükəsizliyinə dair bir sıra texniki reqlament layihələrinin ictimai müzakirəsi keçirilib
Sahibkar və menecerlər Almaniyada 05.03.20
Sahibkar və menecerlər Almaniyada

Azərbaycan Respublikasının Kiçik və Orta Biznesin İnkişafı Agentliyinin (KOBİA) və Almaniyanın Beynəlxalq Əməkdaşlıq Cəmiyyətinin (GİZ) birgə təşkilatçılığı ilə azərbaycanlı sahibkar və menecerlərin Almaniyada növbəti ixtisasartırma kursuna start verilib.

“Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində ölkəmizdə iqtisadiyyatın müxtəlif sahələrində fəaliyyət göstərən 18 sahibkar və menecer Almaniyanın Münhen və Yuxarı Bavariya üçün Ticarət və Sənaye Palatası Tədris Mərkəzində təlimlərdə, müvafiq müəssisələrdə istehsalat təcrübəsində iştirak edir, ixtisaslaşmış şirkətlərdə işgüzar görüşlər keçirirlər.

Sahibkar və menecerlər arasında turizm, şəkər çuğunduru istehsalı, məişət tullantılarının təkrar emalı və satışı, logistika, mebel istehsalı, tikinti sahələrində fəaliyyət göstərən sahibkar və menecerlər üstünlük təşkil edir.

Ümumilikdə indiyədək proqram çərçivəsində 440 sahibkar və menecer Almaniyada ixtisasartırma kursu keçib.

Eyni zamanda 2020-ci ilin iyun-iyul aylarında Almaniyada ixtisasartırma kursu keçəcək növbəti qrupun müəyyənləşdirilməsi üçün GİZ-in mütəxəssisləri tərəfindən KOBİA-da sahibkar və menecerlərlə müsahibələr aparılır.

Powered by Froala Editor