KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə! KOBİA nümayəndə heyəti İzmirdə səfərdə olub

Moldovaya səfər çərçivəsində KOBİA bir sıra görüşlər keçirib 24.05.23

KOBİA və Moldovanın müvafiq qurumları arasında keçirilmiş görüşlərdə KOB sahəsində əməkdaşlıq perspektivləri, birgə təşəbbüslər və təcrübə mübadiləsi məsələləri müzakirə edilib.

Moldova Respublikasına səfər çərçivəsində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Kişinyovda Moldovanın müvafiq qurumları ilə görüşlər keçirib. Görüşlərdə Azərbaycan Respublikasının Moldova Respublikasındakı fövqəladə və səlahiyyətli səfiri Qüdsi Osmanov da iştirak edib.

Moldovanın İqtisadi İnkişaf və Rəqəmsallaşma Nazirliyinin dövlət katibi Viorel Qaraz ilə görüşdə ölkəmizdə KOB-ların inkişafı siyasəti, dəstək mexanizmləri və KOBİA-nın fəaliyyəti barədə məlumat verilib. Agentliyin KOB sahəsində ən yaxşı beynəlxalq təcrübənin öyrənilməsinə və ölkəmizdə tətbiqinə xüsusi önəm verdiyi diqqətə çatdırılıb, Moldovanın KOB-ların inkişafına yönəlmiş dəstək siyasətinin öyrənilməsinə maraq ifadə edilib. Qeyd olunub ki, KOBİA ölkələrimizin biznes subyektləri arasında davamlı və uzunmüddətli əlaqələrin qurulmasına səlahiyyətləri çərçivəsində dəstək göstərməyə hazırdır.

KOBİA-nın İdarə Heyətinin sədri Orxan Məmmədov və Moldovanın Sahibkarlığın İnkişafı Təşkilatının (ODA) direktoru Dumitru Pintea arasında görüşdə isə Agentliyin xarici ölkələrin KOB-lara dəstək və xidmət göstərən qurumları ilə, o cümlədən ODA ilə əməkdaşlığın qurulmasına və inkişafına önəm verdiyi vurğulanıb. Bildirilib ki, KOBİA və ODA-nın əməkdaşlığı hər iki ölkənin KOB-ları arasında əlaqələrin genişlənməsi, birgə təşəbbüslərin reallaşdırılması baxımından faydalıdır. Görüşdə institusional əməkdaşlıq, biznesə dəstək alətləri və gələcək birgə təşəbbüslər, eləcə də tərəflər arasında əməkdaşlığa dair imzalanması nəzərdə tutulan sənəd layihəsi müzakirə edilib.