Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Asiya İnkişaf Bankının nümayəndələri “Bakı KOB evi”ndə olub Klasterləşmə – sahibkarlar üçün imkanlar və perspektivlər Oğuzda sahibkarlığın inkişafı və biznes imkanları müzakirə olunub “Yerli şirkətlərin tanıtım sərgisi” keçiriləcək KOB evi modeli, bu mexanizmin sahibkarlar üçün əhəmiyyəti “Gəncə KOB evi” sahibkarlar üçün yeni imkanlar yaradır KOBİA-da Azərbaycan-Qırğızıstan biznes əməkdaşlığına dair görüş keçirilib Sahibkarlar birgə maliyyələşmə proqramından necə yararlana bilərlər? “Caspian Agro Week” və “InterFood Azerbaijan” sərgilərində məhsul və xidmətlərini təqdim etmək istəyən KOB-ların nəzərinə! Azərbaycan Texnologiya Universitetinin tələbələri “Gəncə KOB evi”ndə olub
Masallıda sahibkarlarla görüş keçirilib 21.02.23
Masallıda sahibkarlarla görüş keçirilib

Kiçik və Orta Biznesin İnkişafı Agentliyinin (KOBİA) dəstəyi ilə Masallı şəhərində sağlamlıq imkanları məhdud olan sahibkarlarla görüş keçirilib.

 

Masallı Sosial Sahibkarlıq və Məşğulluq Mərkəzində keçirilmiş görüşdə 30-a yaxın sağlamlıq imkanları məhdud və həssas kateqoriyaya aid şəxslər, sahibkarlar, eləcə də Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi, “Əlil Sahibkarlar Təşkilatı” İctimai Birliyi və Masallı Rayon İcra Hakimiyyətinin nümayəndələri iştirak ediblər.

 

Görüşdə sağlamlıq imkanları məhdud və həssas sosial qruplara aid şəxslərin cəmiyyətə inteqrasiyası, onların biznesyönümlü bilik və bacarıqlarının artırılması, biznes təşəbbüslərinin dəstəklənməsi, əmək bazarına çıxışına dəstək ilə bağlı fikir mübadiləsi aparılıb. Həmçinin iştirakçılar sahibkarlıq sahəsində həyata keçirilən layihələr, dövlət dəstəyi tədbirləri, özünüməşğulluq proqramına müraciət qaydaları, peşəyönümlü təhsil, biznes layihələrinin maliyyələşdirilməsi barədə məlumatlandırılıb, təklifləri dinlənilib.

 

Sonra KOBİA, Dövlət Məşğulluq Agentliyi, Dayanıqlı və Operativ Sosial Təminat Agentliyi (DOST Agentliyi), “Azərsu” ASC və digər tərəfdaşların əməkdaşlığı çərçivəsində həyata keçirilən “Əlil sahibkarlara dəstək” layihəsi çərçivəsində təlimləri uğurla tamamlamış 16 nəfərə sertifikat təqdim olunub. Qeyd edilib ki, layihə iştirakçıları Masallı Sosial Sahibkarlıq və Məşğulluq Mərkəzi tərəfindən keçirilən peşə təlimlərində iştirak edərək müvafiq peşə biliklərinə yiyələniblər. Hazırda layihə çərçivəsində dərzi, xalçaçılıq, elektrik avadanlıqlarının təmiri, qaynaqçı, foto və video operator sahələri üzrə 41 nəfər üçün peşə təlimləri davam edir. 

 

Powered by Froala Editor