KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

“Sahibkarlar Günü”nə həsr olunmuş konfrans keçirilib KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə!

KOBİA yanında İctimai Şura üzvləri ilə videokonfrans keçirilib 27.04.20

Azərbaycan Respublikasının Kiçik və Orta Biznesin İnkişafı Agentliyi (KOBİA) pandemiya dövründə sahibkarların qarşılaşdıqları çətinliklərin öyrənilməsi, əlavə dövlət dəstəyi tədbirlərinə dair sahibkarların gözləntilərinin müzakirə edilməsi məqsədilə Agentlik yanında İctimai Şuranın üzvləri ilə videokonfrans keçirib.

Onlayn tədbirə KOBİA-nın nümayəndələri və Agentlik yanında İctimai Şuraya daxil olan 15 qeyri-hökumət təşkilatı və sıralarında yüzlərlə sahibkarı birləşdirən assosiasiyaların rəhbərləri qatılıb.

KOBİA-nın İdarə Heyətinin sədri Orxan Məmmədov Agentlik yanında İctimai Şurada təmsil olunan sahibkarları 25 aprel – “Sahibkarlar Günü” münasibətilə təbrik edib, Azərbaycan Respublikası Prezidentinin rəhbərliyi ilə ölkəmizdə koronavirus pandemiyası ilə mübarizə sahəsində görülən işləri, o cümlədən sahibkarlara göstərilən dəstək tədbirlərini diqqətə çatdırıb. Qeyd olunub ki, pandemiya ilə bağlı işgüzar aktivlik azalıb, sahibkarlar bir sıra çətinliklərlə üzləşir. Dövlət sahibkarların bu çətinliklərdən daha az itki ilə çıxması üçün müxtəlif dəstək tədbirləri həyata keçirir. Sahibkarların Azərbaycan dövləti ilə sosial həmrəylik nümayiş etdirdiyini vurğulayan KOBİA sədri mövcud çətinliklərdən birgə səylərlə çıxacağımızı bildirib.

Video konfransda iştirak edən sahibkarlar pandemiya ilə bağlı qarşılaşdıqları müxtəlif çətinlikləri və gözləntilərini qeyd ediblər.

Onlayn tədbir zamanı səsləndirilən təkliflərin müvafiq dövlət qurumlarına təqdim ediləcəyi, eləcə də KOBİA yanında İctimai Şuranın müxtəlif mövzularda ictimai müzakirələrinin videokonfrans formatında davam etdiriləcəyi bildirilib.

Tədbirdə Azərbaycan Banklar Assosiasiyasının icraçı direktoru Yunus Abdulov KOBİA yanında İctimai Şuranın sədr müavini seçilib.