Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
İnvestisiya qoyuluşu üçün imkanlar genişlənir: investisiya təşviqi mexanizmi artıq 17 strateji istiqaməti əhatə edir İşğaldan azad edilmiş ərazilər investorlar üçün geniş imkanlar təqdim edir Anım Gününə həsr olunmuş qanvermə aksiyası keçirilib Altun Yasinli: “Klasterləşmə mövcud resurslardan daha səmərəli istifadəyə imkan yaradır” “Performance System”in fəaliyyətinin mərkəzində startap yanaşması dayanır - MÜSAHİBƏ Omanın RIYADA təşkilatının nümayəndə heyəti “Bakı KOB evi”ndə olub Könüllü qanvermə aksiyası keçiriləcək Sahibkarlar lisenziyalar üçün KOB evlərinə müraciət edə bilərlər KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar...
KOBİA Respublika Əczaçılarının 4-cü Konfransında təmsil olunub 05.10.23
KOBİA Respublika Əczaçılarının 4-cü Konfransında təmsil olunub

Azərbaycan əczaçılarının konfransında bu sahədə mövcud vəziyyət, sektorun inkişaf perspektivləri və biznes imkanları müzakirə edilib. 

 

Respublika Əczaçılarının 4-cü Konfransı keçirilib. “Əczaçılar Klubu” İctimai Birliyinin təşkilatçılığı ilə keçirilən tədbir Ümummilli Lider Heydər Əliyevin 100 illik yubileyinə həsr olunub. 

 

Aidiyyəti dövlət qurumlarının, Milli Məclisin deputatlarının və əczaçılıq sektorunda fəaliyyət göstərən şirkətlərin nümayəndələrinin iştirakı ilə keçirilən konfransda əczaçılıq sektorunun vəziyyəti, inkişaf perspektivləri və çətinlikləri müzakirə edilib.

 

Tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov əczaçılıq sektorunda fəaliyyət göstərən biznes subyektlərinə Agentliyin dəstəyi barədə məlumat verib. Qeyd edilib ki, əczaçılıq sahəsində çalışan biznes subyektləri KOBİA tərəfindən təmin edilən bir sıra dəstək və xidmətlərdən faydalana bilərlər. Agentliyin müxtəlif regionları əhatə edən KOB inkişaf mərkəzləri, KOB evləri və KOB dostu şəbəkəsi biznesin inkişafının bütün mərhələlərində sahibkarlara xidmət edən və təşəbbüslərinin reallaşdırılmasına dəstək olan infrastrukturlardır. Həmçinin, əczaçılıq sahəsində fəaliyyət göstərən biznes subyektləri KOBİA-nın daxili bazar araşdırması, təhsil, elm, tədqiqat və dəstək layihələrinin maliyyələşdirilməsi, “Startap” şəhadətnaməsi, sərgilərdə iştirak, klasterlərin yaradılması və s. istiqamətlərdə dəstək alətlərindən faydalana bilərlər. 

 

Konfrans çərçivəsində “E-resept, qiymət siyasəti” və “Yerli dərman istehsalı biznesinin inkişafı” mövzularında panel müzakirələr təşkil edilib, iştirakçılar əczaçılıq məhsullarından ibarət sərgi ilə tanış olublar. 


Powered by Froala Editor