Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
KOBİA-nın nümayəndələri Qəbələ Dövlət Peşə Təhsili Mərkəzində və lavanda təsərrüfatında olublar 27.05.22
KOBİA-nın nümayəndələri Qəbələ Dövlət Peşə Təhsili Mərkəzində və lavanda təsərrüfatında olublar

Sahibkarlıq subyektlərinin peşəyönümlü ixtisaslı kadrlara olan ehtiyacının təmin olunması, gənclər arasında sahibkarlıq fəaliyyətinin təşviqi istiqamətində Kiçik və Orta Biznesin İnkişafı Agentliyi (KOBİA) ali və peşə məktəbləri ilə sıx əməkdaşlıq edir, layihələr həyata keçirir.


Mayın 27-də KOBİA-nın İdarə Heyətinin sədri Orxan Məmmədov və Qəbələ Rayon İcra Hakimiyyətinin başçısı Səbuhi Abdullayev peşəyönümlü ixtisaslı kadrlar hazırlayan Qəbələ Dövlət Peşə Təhsili Mərkəzində olub, burada yaradılmış şərait və emalatxanalar, eləcə də KOBİA, Dövlət Məşğulluq Agentliyi və Peşə Təhsili üzrə Dövlət Agentliyinin birgə həyata keçirdiyi “Gənclərin biznes emalatxanası” layihəsi çərçivəsində keçirilən təlimlərlə tanış olublar. Görüşdə Qəbələ Dövlət Peşə Təhsili Mərkəzinin rəhbərliyi ilə özəl sektorun tələblərinə cavab verən peşə hazırlığı və sözügedən layihə çərçivəsində görülən işlərə dair fikir mübadiləsi aparılıb. Qeyd edək ki, “Gənclərin biznes emalatxanası” layihəsi hazırda Cəlilabad, Ağdam və Qəbələdə həyata keçirilir. Layihədə peşə təhsili alan sonuncu kurs tələbələri iştirak edirlər. Biznes təlimlərini uğurla başa vuran gənclərə öz işlərinə başlamaları üçün müvafiq avadanlıqlar veriləcəkdir.


KOBİA-nın nümayəndələri həmçinin, Qəbələ rayonunun Çuxur Qəbələ kəndinin ərazisində yerləşən lavanda təsərrüfatında olub, təsərrüfatın fəaliyyəti və aqroturizm potensialı ilə tanış olublar. Məlumat üçün qeyd edək ki, lavanda təsərrüfatının yaradılmasına KOBİA tərəfindən müxtəlif dəstək və xidmətlər göstərilib. 

 

Powered by Froala Editor