Kiçik və Orta Biznesin İnkişafı Agentliyinin (KOBİA) təşəbbüsü, “Paşa Holding”in dəstəyi, Milli Təhsil Texnologiyaları Mərkəzi və İnkişaf Korporasiyasının təşkilatçılığı ilə “İnsan İnkişafı Fokusunda: MeetUp” interaktiv görüşü keçirilib.
“Milli dəyərlərlə birgə qlobal biznesə” mövzusuna həsr olunmuş tədbir insan kapitalının inkişafını təşviq etmək məqsədilə təşkil olunub.
Panel müzakirə formatında keçirilən tədbirdə dövlət və özəl qurumların nümayəndələri tərəfindən şirkətlərdə milli dəyərlərə uyğun sistem və siyasətlərin qurulması, təşviq mexanizmlərinin dəyərlərlə inteqrasiyası, dəyərləri yaşadan davranış kodeksləri, təlimlər və korporativ mədəniyyət, HR siyasətində milli dəyərlərə uyğun kadr seçimi, fərdi inkişaf, mentorluq, könüllü öyrənmə vasitəsilə dəyərlərin inkişafı və digər istiqamətlərdə çıxışlar edilib, müzakirələr aparılıb.
Tədbir iştirakçılarına “Azərbaycan Biznes Mədəniyyəti” kitabı təqdim edilib.
Powered by Froala Editor
