Daxili bazar araşdırması KOB subyektlərinin fərdi və ya kollektiv müraciətlərində qeyd olunan sahələr üzrə aparılır. Kiçik və Orta Biznesin İnkişafı Agentliyinin təşəbbüsü ilə aparılan bazar araşdırmalarının istiqamətləri isə Agentlik tərəfindən sahibkarlar arasında keçirilmiş sorğuların nəticələrinə, eləcə də ölkənin sosial-iqtisadi inkişafı ilə əlaqədar qəbul edilmiş sənədlərə əsaslanaraq müəyyən edilir. Qeyd edək ki, daxili bazar araşdırması - bazarın mövcud vəziyyətinin müəyyən edilməsi məqsədilə həyata keçirilən fəaliyyətdir. Bazar araşdırması sahibkara sektorun inkişafı, istehsal və ixrac imkanları, lazım olan işçi qüvvəsi, satış, rəqiblər, sənədləşdirmə, istehlakçıların fikirləri, qiymət, dövlət dəstəyi tədbirləri və s. barədə ətraflı məlumat verir. Daxili bazar araşdırmasının aparılması üçün sahibkarlar KOBİA-ya müraciət edə bilərlər.
Powered by Froala Editor
