Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
Azərbaycanda “Ağıllı poçt qutuları”nın istehsalına və tətbiqinə başlanılıb 16.05.22
Azərbaycanda “Ağıllı poçt qutuları”nın istehsalına və tətbiqinə başlanılıb

Azərbaycanda yaxın iki ildə 500-dən çox “Ağıllı poçt” terminalının - “Kargomat”ın istehsalı və quraşdırılması nəzərdə tutulur. Bununla bağlı 2021-ci ildə istehsalçı şirkət və sifarişçi arasında uzunmüddətli əməkdaşlıq haqqında sənəd imzalanıb. Layihə Azərbaycanda innovativ sahibkarlığın inkişafı, yeni texnoloji istehsal sahələrinin yaradılması, texnoloji məhsulların ixrac potensialının gücləndirilməsi, həmçinin logistika sektorunun inkişafını nəzərdə tutur. Hazırda terminalların Türkiyədə qurulması ilə bağlı danışıqlar aparılır ki, bu da öz növbəsində Azərbaycan və Türkiyə arasında innovativ sənaye istehsalı sahəsində kooperasiyanın genişləndirilməsinə xidmət edəcəkdir. 

 

Layihənin reallaşmasına Kiçik və Orta Biznesin İnkişafı Agentliyi (KOBİA) tərəfindən dəstək göstərilib. 

 

“Kargomat” tam avtomatlaşdırılmış poçt qutularından ibarət terminaldır. Bu terminallar vasitəsilə bağlamaları 7/24 rejimində növbə gözləmədən, təhvil nöqtələrinin və kuryerlərin iş qrafikindən asılı olmadan əldə etmək mümkündür. “Kargomat” terminalları sensor ekran, POS terminal, QR kod və barkod skanerlər, videomüşahidə kameraları və etibarlı elektron qıfıllar ilə təchiz olunub. Terminalların fəaliyyəti, kuryerlərin onlayn xidmətlərinə inteqrasiya olunub və tam avtomatik çalışır, operatorlar şəbəkənin distant nəzarətini və idarə edilməsini həyata keçirirlər. Bağlamaların ölçüsünə uyğun olaraq "Kargomat"larda müvafiq yuvalar var.

 

“Kargomat”ın işləmə prinsipi çox sadədir. Alıcı onlayn mağazada məhsulu sifariş etdikdən sonra çatdırılma üsulu kimi özünə ən yaxın olan “Kargomat” terminalını seçir. Bağlama qeyd olunmuş “Kargomat”a çatdırıldıqda istifadəçi SMS vasitəsilə bildiriş alır. 3 gün ərzində bildirişdə qeyd olunan kodu daxil etməklə bağlamanı əldə etmək mümkündür. Hazırda kuryer xidmətləri ilə anlaşma çərçivəsində “Kargomat”lara çatdırılma pulsuzdur. "Kargomat"ların market və ticarət şəbəkələrində, nəqliyyat qovşaqlarında və s. ərazilərdə yerləşdirilməsi davam edir. 

 

Qeyd edək ki, inkişaf etmiş ölkələrdə belə ağıllı poçt qutuları uzun müddətdir istifadə edilir. Pandemiya dövründə xüsusilə kuryer və alıcı arasında təması nəzərdə tutmayan çatdırılma xidmətlərinə dünyada tələbat artıb. Bir sıra xarici ölkələrdə çatdırılmaların 70%-dən çoxu məhz “ağıllı poçt qutuları” vasitəsilə həyata keçirilir. 

Powered by Froala Editor