KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOB subyektləri haqqında məlumatlar vahid reyestrdə toplanacaq “Bakı KOB evi”ndə “Heydər Əliyev - unudulmaz lider” adlı foto-xalça sərgisi keçirilib KOB Model Müəssisəsi istehsal prosesində məhsuldarlığı və səmərəliliyi artırır Ölkə sərhədlərini aşan startaplarımız KOBİA Türkiyənin DEİK təşkilatı, eləcə də SESRİC ilə sənədlər imzalayıb Fəaliyyət göstərdiyi ərazidən asılı olmayaraq sahibkarlar istənilən KOB evinin xidmətindən yararlana bilərmi? KOBİA Əbu-Dabidə keçirilən “AİM Congress”in müvafiq panelində təmsil olunub "İslam bankçılığı və maliyyəsi" təlimi keçirilib Ekoloji, sosial və korporativ idarəetmə prinsipləri ilə bağlı məcmuə hazırlanıb İstehsal ilə məşğul olan sahibkarlara dəstək – KOB Model Müəssisəsi

Azərbaycan "Gulfood 2024" sərgisində iştirak edir 20.02.24

Azərbaycan məhsulları Dubayda keçirilən “Gulfood 2024” sərgisində “Made in Azerbaijan” vahid ölkə stendində nümayiş olunur.

Dubay şəhərində “Gulfood 2024”-29-cu Beynəlxalq Qida, İçkilər və HoReCa sənayesi Sərgisi keçirilir.

İqtisadiyyat Nazirliyinin dəstəyi, İxracın və İnvestisiyaların Təşviqi Agentliyinin – AZPROMO-nun təşkilatçılığı ilə Azərbaycanın 20-dən çox şirkəti məhsullarını “Made in Azerbaijan” vahid ölkə stendi altında təqdim edir. Belə ki, milli stenddə meyvə şirələri, süd məhsulları, mineral sular, meyvə-tərəvəz, kürü, qənnadı məhsulları, çay, qurudulmuş meyvələr, zeytun yağları, ədviyyatlar və ət məhsulları nümayiş olunur. Bundan başqa, stenddə AZPROMO və Kiçik və Orta Biznesin İnkişafı Agentliyi (KOBİA) də təmsil olunur, ziyarətçilərə sahibkarlara göstərilən dəstək, ölkəmizdə yaradılmış əlverişli biznes və investisiya mühiti barədə müvafiq çap materialları təqdim edilir.

Fevralın 23-dək davam edəcək sərgi çərçivəsində Azərbaycan sahibkarları müxtəlif ölkələrdən olan həmkarları ilə görüşlər keçirəcək, məhsul ixracına dair müzakirələr aparacaqlar.

Qeyd edək ki, hər il Dubayda təşkil olunan “Gulfood” sərgisi dünyanın, eləcə də Körfəz və Yaxın Şərq regionunun ixtisaslaşmış ən böyük və mühüm beynəlxalq platformasıdır.