KOBİA-nın təşkilatçılığı ilə regionlarda sahibkarlarla keçirilən görüşlərdə kənd təsərrüfatı sahəsində dövlət dəstəyi tədbirləri, bu sektordakı yeniliklər barədə məlumat verilib.
Kiçik və Orta Biznesin İnkişafı Agentliyinin (KOBİA) təşkilatçılığı ilə Yevlax şəhərində və Naxçıvan Muxtar Respublikasının Şərur rayonunda sahibkarlarla görüşlər keçirilib.
Görüşlərdə kənd təsərrüfatı sahəsində fəaliyyət göstərən 70-ə yaxın sahibkar və fermer, eləcə də regionlarda sahibkarlara xidmət göstərən qurumların və yerli icra hakimiyyəti orqanlarının nümayəndələri iştirak ediblər.
Tədbirlərdə sahibkarlar kənd təsərrüfatı sektoruna dövlət dəstəyi mexanizmləri, o cümlədən subsidiyalar, güzəştli kreditlər, eləcə də aqrar sığorta, kartofun qablaşdırılması və brendləşməsi barədə məlumatlandırılıb, onları maraqlandıran suallar cavablandırılıb.
Powered by Froala Editor
