Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
Xaçmaz KOB evində sahibkarlara 20 mindən çox xidmət göstərilib 19.01.21
Xaçmaz KOB evində sahibkarlara 20 mindən çox xidmət göstərilib

2020-ci ildə Xaçmaz KOB evində sahibkarlara 20759 xidmət göstərilib. Bu xidmətlərin 95%-ni dövlət-biznes (“G2B”), 5%-ni isə biznes-biznes (“B2B”) xidmətləri təşkil edib. Göstərilmiş xidmətlərdən 4975-i (24%) sənəd qəbulu, 14210-u (68%) hazır sənədin əldə edilməsi və 1574-ü (8%) məlumat xarakterlidir.

“G2B” xidmətlərin 70%-i İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti (13752 xidmət), 20,5%-i Dövlət Vergi Xidməti (4034 xidmət), 2,2%-i “Azəriqaz” İstehsalat Birliyi (441 xidmət), 2,1%-i “Azərpoçt” MMC (404 xidmət), 1,4%-i Əmlak Məsələləri Dövlət Xidməti (268 xidmət) tərəfindən göstərilib.

KOB evinə müraciət etmiş sahibkarlar “B2B” xidmətlər üzrə daha çox “Azercell Telekom” MMC, “Rabitə Bank” ASC, “Prior Leasing” ASC, “Kapital Bank” ASC, Azərbaycan Beynəlxalq Bankının xidmətlərindən istifadə ediblər.

Hazırda sahibkarların KOB evinin xidmətlərindən məmnunluq göstəricisi 98%-dir. Qeyd edək ki, Xaçmaz KOB evi tərəfindən sahibkarlara göstərilən xidmətlərdən məmnunluq səviyyəsi elektron sistem vasitəsilə, hər bir xidmət üzrə yerindəcə ölçülür.

Pandemiya ilə əlaqədar növbə sıxlığının aradan qaldırılması, vətəndaşlar arasında təmasın minimuma endirilməsi, eləcə də vaxt itkisinin qarşının alınması məqsədilə 2020-ci ildə Xaçmaz KOB evinə müraciət edən sahibkarlar üçün onlayn növbə sisteminin (KOB növbə) tətbiqinə başlanılıb.

Qeyd edək ki, Kiçik və Orta Biznesin İnkişafı Agentliyinin (KOBİA) strukturuna daxil olan Xaçmaz KOB evi 2020-ci ilin fevral ayında fəaliyyətə başlayıb. Burada sahibkarlara İqtisadiyyat Nazirliyi və onun qurumları (Dövlət Vergi Xidməti, Əmlak Məsələləri Dövlət Xidməti, Antiinhisar və İstehlak Bazarına Nəzarət Dövlət Xidməti, Sahibkarlığın İnkişafı Fondu, AZPROMO), Kənd Təsərrüfatı Nazirliyi, Dövlət Gömrük Komitəsi, Qida Təhlükəsizliyi Agentliyi, Dövlət Reklam Agentliyi, "Azərpoçt" MMC, "Azəriqaz" İB, "Azərsu" ASC, "Azərişıq" ASC və s. tərəfindən 150-yə yaxın “G2B” xidmətləri, bank, sığorta, lizinq, broker kimi özəl təşkilatlar tərəfindən isə 100-dək zəruri “B2B” xidmətləri göstərilir. Xaçmaz KOB evinin əsas üstünlüyü sahibkarlara xidmətlərin vahid məkanda göstərilməsi, müraciət edən sahibkarların vaxta və xərclərinə qənaət etməsi, xidmətlərin şəffaf və operativ təşkili, xidmət səviyyəsinin ölçüləbilən olmasıdır. Quba-Xaçmaz iqtisadi rayonunda fəaliyyət göstərən sahibkarlar heç bir quruma getmədən sahibkarlıq fəaliyyəti ilə bağlı xidmətlər üçün Xaçmaz KOB evinə müraciət edə bilərlər.

Yaxın vaxtlarda Yevlax şəhərində də KOB evi fəaliyyətə başlayacaqdır. Bakı şəhərində isə KOB evinin yaradılması istiqamətində müvafiq işlər aparılır.

Powered by Froala Editor