Please ensure Javascript is enabled for purposes of website accessibility
Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib
Təhsil-sahibkarlıq əməkdaşlığı müzakirə edilib 15.11.23
Təhsil-sahibkarlıq əməkdaşlığı müzakirə edilib

Bakıda keçirilən Kiçik və Orta Sahibkarlıq üzrə Dünya Forumu çərçivəsində təşkil olunmuş növbəti tədbirdə təhsil-sahibkarlıq əməkdaşlığı, bu çərçivədə yeni təşkilati modellərin yaradılması, elmi yeniliklərin biznesə inteqrasiyası, universitetlərin potensialından istifadə müzakirə edilib. 

Qlobal Sahibkarlıq Həftəsi çərçivəsində Bakıda keçirilən Kiçik və Orta Sahibkarlıq üzrə Dünya Forumunun (SME World Forum 2023) növbəti tədbiri biznes və təhsil arasında əlaqələrə həsr olunub. ADA Universitetinin təşkilatçılığı, Kiçik və Orta Biznesin İnkişafı Agentliyinin (KOBİA) və Kiçik Biznes üzrə Beynəlxalq Şuranın (ICSB) dəstəyi ilə keçirilən tədbirdə rəsmi şəxslər, müxtəlif ali təhsil müəssisələrinin professor, müəllim və tələbələri, sahibkarlar iştirak ediblər. 

Tədbirdə Davamlı İnkişaf Məqsədlərinə nail olmaq üçün təhsil-sahibkarlıq əməkdaşlığı, bu əməkdaşlıq çərçivəsində sahibkarlığın dəstəklənməsinin təşkilati modellərinin yaradılması və tətbiqi, elmi yeniliklərin biznesə inteqrasiyası, universitetlərin elmi araşdırma mərkəzlərinin potensialından istifadə, kiçik və orta biznesin tələbatına uyğun ixtisaslı kadrların hazırlanması, biznesin təcrübəsinə əsaslanmaqla ali təhsil müəssisələri üçün praktik təhsil proqramları və metodiki vəsaitlərin hazırlanması məsələləri müzakirə edilib.

Tədbirdə ADA Universitetinin prorektoru Fariz İsmayılzadə, ICSB-nin prezidenti və baş icraçı direktoru Ayman El Tarabişi və İdarə Heyətinin sədri Ki Çan Kim, KOBİA-nın İdarə Heyəti sədrinin müşaviri Zaur Qardaşov sahibkarlıq və təhsil əməkdaşlığına, bu sahədə həyata keçirilən tədbirlərə dair fikirlərini bölüşüblər. 

Tədbir çərçivəsində “İrəliyə yeni bir yol: Sahibkarlıq vasitəsilə Davamlı İnkişaf Məqsədlərinə nail olmaq” və “KOB-lar üçün inkişaf edən tendensiyalar” mövzularında panel müzakirələr təşkil olunub. Müzakirələrə oflayn və onlayn formatda qoşulan Almaniya, Avstraliya, İspaniya, Yaponiya kimi ölkələrin aparıcı ali təhsil müəssisələrinin rəhbər şəxsləri, professor və müəllimləri, ekspertlər təhsil-sahibkarlıq əməkdaşlığına dair trendlər, əməkdaşlıq modelləri, bu əməkdaşlıqdan gözləntilər barədə fikirlərini bölüşüb, iştirakçıların suallarını cavablandırıblar.

Powered by Froala Editor