Mikro və kiçik sahibkarlara “Startap” şəhadətnaməsi Nazirlər Kabinetinin 2021-ci il 29 yanvar tarixli Qərarı ilə təsdiq edilmiş “Startapın müəyyən olunması Meyarları”na əsasən verilir. “Startap” şəhadətnaməsinin verilməsi üçün əsas tələblər aşağıdakılardır:
- məhsulun və ya xidmətin gəlir və ya mənfəət əldə etmək məqsədilə istehsal olunması;
- innovativ təşəbbüsə əsaslanması;
- mövcud istehsal və ya xidmət proseslərinin yeni formada təşkili ilə əlavə dəyərin yaradılması;
- yeni texnologiyanın tətbiqi ilə əlavə dəyərin formalaşması;
- rəqabətqabiliyyətli olması;
- qısamüddətli perspektivdə yaradılan məhsula və ya xidmətə olan tələbin əsaslandırılmış formada artımının proqnozlaşdırılması;
- digər startap məhsulu və ya xidməti ilə eynilik təşkil etməməsi.
Qeyd edək ki, “Startap” şəhadətnaməsi KOB subyektlərini şəhadətnaməni aldıqları tarixdən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.
Powered by Froala Editor
Powered by Froala Editor
