KOBİA və “TA Ventures” şirkəti arasındakı görüşdə yerli startapların maliyyələşdirilməsi sahəsində əməkdaşlıq, perspektiv layihələrə əlavə investisiya qoyuluşu imkanlarına dair fikir mübadiləsi aparılıb.
Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov “TA Ventures” şirkətinin təsisçisi və idarəedici tərəfdaşı Viktoriya Tigipko ilə görüşüb.
Görüşdə KOBİA-nın fəaliyyyəti, o cümlədən startaplarla iş sahəsində gördüyü tədbirlər haqqında məlumat verilib, Agentliyin “TA Ventures” şirkəti ilə yerli startapların maliyyələşdirilməsi sahəsində əməkdaşlıqda maraqlı olduğu vurğulanıb. Görüşdə “Startap” şəhadətnaməsi almış KOB subyektləri ilə bağlı məlumat mübadiləsi və onların şirkətlə əlaqələndirilməsi, ölkəmizdə müxtəlif qrant proqramlarından faydalanmış layihələrin əlavə maliyyələşdirilməsi imkanları müzakirə edilib.
Powered by Froala Editor
