Sahibkarlar təlimlər barədə məlumatı KOBİA-nın saytından öyrənə bilərlər. 

Kiçik və Orta Biznesin İnkişafı Agentliyinin (KOBİA) strukturuna daxil olan Bakı KOB İnkişaf Mərkəzi (Bakı KOBİM) tərəfindən sentyabr ayı ərzində sahibkarlar və biznes fəaliyyətinə başlamaq istəyənlər üçün ödənişsiz təlimlər keçiriləcək. 

Təlimlər sahibkarlıq fəaliyyətinin müxtəlif istiqamətlərini əhatə etməklə iştirakçıların biznes sahəsində nəzəri və praktiki biliklərinin artırılması, biznes bacarıqlarının inkişaf etdirilməsi məqsədilə təşkil olunur. 

Təlim proqramı əsasən aşağıdakı mövzuları əhatə edəcək:

-Biznes planın hazırlanması və biznes modellərinin qurulması;

-Vergi qanunvericiliyi və onun praktiki tətbiqi;

-Layihələrin idarə olunması və biznes proseslərinin planlaşdırılması;

-Yumşaq bacarıqlar və komanda idarəetmə bacarıqları;

- Sahibkarlığın əsasları və biznes fəaliyyətinin təşkili;

- Süni intellekt texnologiyalarının biznes fəaliyyətində tətbiqi;

- Startapların yaradılması və inkişaf mexanizmləri;

- Risklərin idarə olunması və biznes davamlılığı.

Peşəkar ekspertlər tərəfindən canlı və onlayn formatlarda təşkil olunacaq təlimlər tamamilə ödənişsizdir. Təlimlərdə iştirak etmək istəyən KOB subyektləri və sahibkarlıq fəaliyyətinə başlamaq istəyən şəxslər KOBİA-nın rəsmi internet səhifəsinin "Tədbirlər təqvimi" bölməsinə (https://smb.gov.az/az/events?slug=telim) daxil olmaqla ətraflı məlumat öyrənə bilərlər. 

Qeyd edək ki, Bakı KOBİM tərəfindən sahibkarlar, biznesə başlamaq istəyən şəxslər və startaplar üçün təlimlərlə yanaşı, məsləhət xidməti və biznes planın hazırlanması istiqamətlərində də ödəmişsiz dəstək göstərilir. 

Powered by Froala Editor