KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə! KOBİA nümayəndə heyəti İzmirdə səfərdə olub Tatarıstan nümayəndə heyəti “Bakı KOB evi”ndə olub Qəbələdə özünüməşğulluq proqramına qoşulmuş vətəndaşlarla görüş keçirilib 800-dən çox biznes subyekti və potensial sahibkar biznes təlimlərdən yararlanıb İstehsal ilə məşğul olan sahibkarlar KOB Model Müəssisənin təlimlərinə dəvət olunur “Unibroad” təhsil platforması dünyanın ən yaxşı startapları sırasında Azərbaycanlı startapçı “Sculptor” cihazı hazırlayıb “AIM Congress”də ölkəmizi təmsil edəcək startap məlum oldu

Şamaxı, Cəlilabad, Tovuz və Mingəçevir üzrə “KOB Dostu” vəzifələrinə işə qəbul elan edilir 22.04.19

Azərbaycan Respublikasının Kiçik və Orta Biznesin İnkişafı Agentliyi Şamaxı, Cəlilabad, Tovuz və Mingəçevir üzrə “Kiçik və Orta Biznesin Dostu” (“KOB Dostu”) vəzifələrinə işə qəbul elan edir.

Vəzifə və öhdəliklər:

- Fəaliyyət göstərdiyi regionda səlahiyyətləri çərçivəsində Kiçik və Orta Biznesin İnkişafı Agentliyini təmsil edir;

- Region üzrə KOB subyektlərinin yaradılması və inkişaf təşəbbüslərinin stimullaşdırılması ilə bağlı tədbirlər həyata keçirir;

- Təmsil etdiyi regionda KOB subyektlərinin fəaliyyətlərində qarşılaşdığı problemlərin həllinə operativ dəstək verir, onların maraqlarını müdafiə edir;

- Region üzrə fəaliyyət göstərən KOB subyektlərinin mövcud dəstək mexanizmlərindən yararlanmasına köməklik göstərir;

- Sahibkarlığın inkişafının qiymətləndirilməsi ilə bağlı Agentlik tərəfindən göstərilən xidmətlər üzrə səlahiyyətləri daxilində monitorinq, sorğu və müşahidələr aparır;

- Agentliyin funksiyaları ilə bağlı maarifləndirmə işlərini yerinə yetirir;

- Təmsil etdiyi regionda mikro, kiçik və orta biznesin inkişafı ilə bağlı təkliflər hazırlayır və Agentliyə təqdim edir;

- Region üzrə KOB sahəsində dövlət qurumları ilə özəl sektor arasında səmərəli əlaqələr qurur.

Namizədə tələblər:

- Sahibkarlıq sahəsində qanunvericilik və “Vətəndaşların müraciətləri haqqında” Azərbaycan Respublikasının Qanunu barədə məlumatlı olmalı;

- Sahibkarlıqla bağlı dövlət dəstəyi və təşviq mexanizmləri haqqında məlumatlı olmalı;

- İnzibati ərazi vahidlərinin iqtisadi potensialları haqqında məlumatlı olmalı;

- Ali təhsil tələbi: Bakalavriat səviyyəsi - iqtisadiyyat, idarəetmə və ya hüquq. Magistratura səviyyəsi üstünlükdür;

- Təcrübəyə dair tələb: mütəxəssis vəzifələrində 4 illik iş təcrübəsi və ya aidiyyəti sahə üzrə rəhbər vəzifələrdə 2 illik iş stajı;

- Azərbaycan dilini səlis bilməlidir. Rus və ya ingilis dili arzuolunandır;

- İT biliklərinə dair tələb: Kompüterdən, Excel və Word proqramlarından istifadəçi səviyyəsində biliklər.

Şərtlər:

Tam iş günü, iş qrafiki I-V günlər.

Göstərilən tələblərə cavab verən namizədlərdən CV-lərini mövzu yerinə “KOB Dostu (region adı)” yazaraq 25.05.2019 tarixinə qədər hr@smb.gov.az ünvanına göndərmələri xahiş olunur. Əks halda göstərilən vakansiya üzrə müraciətlər nəzərə alınmayacaq. Yalnız tələblərə cavab verən namizədlər müsahibəyə dəvət olunacaqdır.