Sahibkarlar fəaliyyətə başlamazdan əvvəl öz bizneslərinin hüquqi formasını seçməlidirlər. Belə ki, hər hansı şəxs vergi uçotuna durmaqla fərdi sahibkar kimi və ya hüquqi şəxs yaratmaqla biznesinə başlaya bilər. Fərdi sahibkar kimi siz biznesi öz adınızla idarə edirsiniz və bütün məsuliyyət şəxsən sizdə olur. Buna görə də öz əmlaklarınızla risk daşıyırsız. Hüquqi şəxs yaratdıqda isə siz seçdiyiniz təşklati hüquqi formaya uyğun olaraq məsuliyyətinizin dairəsini və hüquqi şəxsdə iştirak payınızı müəyyən edirsiniz. Ən çox istifadə edilən forma olan məhdud məsuliyyətli cəmiyyət formasında riskiniz nizamnamə kapitalına qoyduğunuz iştirak payı ilə məhdudlaşır. Bununla yanaşı, hüquqi şəxsin digər təşkilati-hüquqi formalarından da istifadə edilə bilər.
Powered by Froala Editor
