Sahibkarların qəbulu zamanı onlara dövlət dəstəyi mexanizmləri və onlardan səmərəli istifadə barədə məlumat verilib.

Kiçik və Orta Biznesin İnkişafı Agentliyində (KOBİA) keçirilmiş vətəndaş qəbulunda Agentliyin İdarə Heyətinin sədri Orxan Məmmədov sahibkarların müraciət və təkliflərini dinləyib.

Qəbul zamanı sahibkarlarla biznesin inkişafına dair müxtəlif məsələləri əhatə edən müraciətləri üzrə fikir mübadiləsi aparılıb, biznes subyektlərinin sualları cavablandırılıb. Bildirilib ki, Agentlik səlahiyyətləri çərçivəsində qəbulda qaldırılan məsələlərin həlli istiqamətində müvafiq qurumlarla birgə tədbirlər görəcək. Qəbulda həmçinin sahibkarlara dövlət dəstəyi mexanizmləri və onlardan səmərəli istifadə qaydaları barədə ətraflı məlumat verilib.

Qeyd edək ki, biznes subyektləri KOBİA-nın fəaliyyət istiqamətlərinə dair məsələlərlə bağlı Agentliyin 131 Çağrı Mərkəzinə müraciət edərək ətraflı məlumat ala, www.smb.gov.az internet səhifəsinin “Müraciətlər” bölməsi vasitəsilə müraciət göndərə, həmçinin “Vətəndaşların qəbulu” bölməsi üzərindən Agentliyin rəhbər şəxslərinin qəbuluna yazıla bilərlər.

Powered by Froala Editor