Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
7-ci qrant müsabiqəsi barədə sualları olan KOB subyektlərinin nəzərinə! Korporativ sosial məsuliyyət çərçivəsində futbol klubuna sahibkarlardan dəstək Ər-Riyadda Azərbaycan-Səudiyyə Ərəbistanı Birgə İşgüzar Şurasının 6-cı iclası keçirilib "Sahibkarların bu günü" filmi “Konstitusiya və Suverenlik - Azərbaycanda sahibkarlığın inkişafı” mövzusunda konfrans keçirilib Sahibkarlar Fəxri Xiyabanı və Şəhidlər Xiyabanını ziyarət ediblər Ticarət şəbəkələrinin fəaliyyəti ilə bağlı ictimai müzakirə təşkil olunub Sahibkarlarla növbəti görüş Ağcabədi rayonunda təşkil olunub İdeyadan reallığa: yeni nəsil startaplar parlaq gələcək vəd edir Sahibkarların “yaşıl layihə”lərinin maliyyələşdirilməsinə dəstək üçün 450 min manat həcmində qrant ayrılıb
Şabran sahibkarları ilə müzakirələr aparılıb 19.02.25
Şabran sahibkarları ilə müzakirələr aparılıb

Görüşdə rayonun biznes imkanları, sahibkarlığın maliyyələşdirilməsi, peşəkar məsləhət xidməti, turizm fəaliyyəti üzrə kiçik hotellərin tikintisi və satış kanalları ilə bağlı fikir mübadiləsi aparılıb. 


Regionlarda fəaliyyət göstərən sahibkarların bölgənin biznes potensialı və dövlətin dəstək mexanizmləri barədə məlumatlandırılması üçün Kiçik və Orta Biznesin İnkişafı Agentliyinin (KOBİA) təşkilatçılığı ilə görüşlər davam etdirilir. Növbəti belə görüş Şabran rayonunda keçirilib. 

Şabran Rayon İcra Hakimiyyətinin dəstəyi ilə təşkil olunmuş tədbirdə kənd təsərrüfatı, bağçılıq, arıçılıq, heyvandarlıq, tikinti, ekoturizm, qida və s. sahələrdə fəaliyyət göstərən 60-a yaxın sahibkar iştirak edib.

KOBİA-nın İdarə Heyətinin sədri Orxan Məmmədov və Şabran Rayon İcra Hakimiyyətinin başçısı Asif Hüseynov sahibkarları biznes fəaliyyəti üçün dövlət dəstəyi mexanizmləri, güzəştlər, sahibkarlığın maliyyələşdirilməsi, satış, eləcə də rayonun biznes imkanları və dövlətin dəstəyi ilə bu potensialın reallaşdırılması barədə məlumatlandırıblar. Qeyd olunub ki, Şabranda biznes qurmaq və sahibkarlıq fəaliyyətini genişləndirmək istəyən, investisiya qoyuluşu üçün uyğun sektor axtarışında olan sahibkarlar KOBİA-nın KOB dostu ofisinə müraciət edə bilərlər. Ölkənin 50-dən çox şəhər və rayonunda fəaliyyət göstərən KOB dostları sahibkarların yerlərdəki biznes bələdçisi funksiyasını yerinə yetirməklə, onlara ehtiyacı olan dəstəyi göstərir və əlaqələndirir. 

Görüş çərçivəsində sahibkarlarla biznesin maliyyələşdirilməsi, fəaliyyətin genişləndirilməsi üçün peşəkar məsləhət xidməti, turizm fəaliyyəti üzrə kiçik hotellərin tikintisi, satış kanalları kimi mövzularda müzakirələr aparılıb, fikir və təklifləri dinlənilib, sualları cavablandırılıb.

KOBİA-nın təşkilatçılığı ilə belə görüşlər ölkənin digər şəhər və rayonlarında da davam etdiriləcəkdir. 

Powered by Froala Editor