Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
Saatlı sahibkarları ilə onlayn görüş təşkil olunub 15.01.21
Saatlı sahibkarları ilə onlayn görüş təşkil olunub

Yanvarın 15-də Kiçik və Orta Biznesin İnkişafı Agentliyinin (KOBİA) təşkilatçılığı ilə Saatlı rayonunda pambıq istehsalı ilə məşğul olan sahibkarlıq subyektləri ilə sahəvi biznes assossasiyalar arasında görüş təşkil olunub. Onlayn formatda keçirilmiş görüşdə Kənd Təsərrüfatı Nazirliyinin, Saatlı Rayon İcra Hakimiyyətinin və bələdiyyələrin, KOBİA-nın, Sahibkarlığın İnkişafı Fondunun, Azərbaycan Mebel İstehsalçıları Assossasiyasının nümayəndələri və Saatlı rayonunda pambıq istehsalı ilə məşğul olan 20 sahibkarlıq subyekti iştirak edib.

Onlayn tədbirdə pambıq bitkisinin gövdəsindən mebel sənayesində xammal kimi istifadə olunmasına və yarımfabrikat lövhələrin hazırlanmasına dair müzakirələr aparılıb, müxtəlif fikirlər və təkliflər səsləndirilib, bu sahədə dəqiq araşdırma aparılmasının zəruriliyi vurğulanıb. Həmçinin, sahibkarlıq subyektləri tərəfindən lifsiz pambıq toxumunun emalı üzrə və pambıq çiyidinin toxumundan, günəbaxan və qarğıdalı bitkilərindən yağ məhsullarının hazırlanması sahəsində müəssisələrinin yaradılmasına dair təkliflər diqqətə çatdırılıb. Qeyd edilib ki, bu müəssisələrin yaradılması üçün araşdırma aparılmalı, məhsulların iqtisadi səmərəliliyi və rəqabətədavamlılığı qiymətləndirilməlidir.

Tədbirdə dövlət-sahibkar əməkdaşlığı platforması çərçivəsində sahibkarların sualları cavablandırılıb, yanvar-mart ayları ərzində KOBİA tərəfindən Saatlı rayonunun sahibkarları üçün daxili bazara araşdırmasına dair, eləcə də müxtəlif maarifləndirici və məlumatlandırıcı tədbirlərin təşkil olunacağı diqqətə çatdırılıb.

Powered by Froala Editor