Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub Böyük uğurlara iddialı yerli startaplar: onlar gündəlik həyatı asanlaşdırmağı hədəfləyir Sahibkarların Şəmkirdə qəbulu keçiriləcək WUF13-ün “Urban Expo” sərgisində KOBİA da iştirak edir WUF13 çərçivəsində Biznes Assambleyasının sessiyası keçirilib Daxili bazar araşdırmasının istiqaməti nəyə əsasən müəyyən edilir? WUF13 çərçivəsində KOBİA panel müzakirə təşkil edəcək Regionlarda sahibkarlarla sahəvi görüşlər davam edir WUF13: Sahibkarlar və startaplar üçün yeni imkanlar
Regionlarda sahibkarlarla görüşlər keçirilib 19.02.26
Regionlarda sahibkarlarla görüşlər keçirilib

Görüşlərdə sahibkarlar dövlətin dəstək alətləri, sahibkarlıq sahəsində yeniliklər barədə məlumatlandırılıb. 

Ağstafa, Mingəçevir, Sədərək və Samux rayonlarında sahibkarlıq subyektlərinin nümayəndələri ilə maarifləndirici görüşlər keçirilib.

Kiçik və Orta Biznesin İnkişafı Agentliyinin (KOBİA) təşkilatçılığı və sahibkarlara dəstək və xidmət göstərən aidiyyəti qurumların nümayəndələrinin iştirakı ilə keçirilmiş görüşlərdə sahibkarlar dövlət dəstəyi mexanizmləri, o cümlədən subsidiyaların qeydiyyatı, lizinq yolu ilə texnikaların satışı, eləcə də aqrar sığorta, Vergi Məcəlləsində edilmiş son dəyişikliklər barədə məlumatlandırılıb, sualları cavablandırılıb. Sahibkarların qarşılaşdıqları bir sıra məsələlərlə bağlı müvafiq qurumlar tərəfindən yerində izahatlar verilib, qanunvericiliyin tələbləri diqqətə çatdırılıb və müzakirələr aparılıb.

Həmçinin görüşlərə KOBİA tərəfindən dəvət olunmuş bank nümayəndələri tərəfindən biznesin maliyyələşdirilməsi, bank kreditləri və güzəştli maliyyə alətləri barədə məlumat verilib.

Görüşlərdə sahibkarların səsləndirdikləri təkliflər KOBİA əməkdaşları tərəfindən qeydə alınıb.

Ümumilikdə görüşlərdə istehsal, emal, ictimai iaşə, kənd təsərrüfatı və heyvandarlıq sahələrində fəaliyyət göstərən 130-dan çox sahibkar iştirak edib.

Powered by Froala Editor