Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Asiya İnkişaf Bankının nümayəndələri “Bakı KOB evi”ndə olub Klasterləşmə – sahibkarlar üçün imkanlar və perspektivlər Oğuzda sahibkarlığın inkişafı və biznes imkanları müzakirə olunub “Yerli şirkətlərin tanıtım sərgisi” keçiriləcək KOB evi modeli, bu mexanizmin sahibkarlar üçün əhəmiyyəti “Gəncə KOB evi” sahibkarlar üçün yeni imkanlar yaradır KOBİA-da Azərbaycan-Qırğızıstan biznes əməkdaşlığına dair görüş keçirilib Sahibkarlar birgə maliyyələşmə proqramından necə yararlana bilərlər? “Caspian Agro Week” və “InterFood Azerbaijan” sərgilərində məhsul və xidmətlərini təqdim etmək istəyən KOB-ların nəzərinə! Azərbaycan Texnologiya Universitetinin tələbələri “Gəncə KOB evi”ndə olub
Qarsda Türkiyə-Azərbaycan Regional İqtisadi Forumu keçirilib 17.06.25
Qarsda Türkiyə-Azərbaycan Regional İqtisadi Forumu keçirilib

Qars şəhərində Azərbaycan və Türkiyə iş adamlarının iştirakı ilə Türkiyə-Azərbaycan Regional İqtisadi Forumu keçirilib. Bu məqsədlə bir qrup Azərbaycan iş adamı, o cümlədən Naxçıvan Muxtar Respublikası Sahibkarlar Konfederasiyasına üzv olan sahibkarlar və Kiçik və Orta Biznesin İnkişafı Agentliyinin (KOBİA) nümayəndələri Qars şəhərinə səfər ediblər. 


Ölkəmizin Qars şəhərindəki Baş Konsulluğunun dəstəyi, Türkiyənin Odalar və Borsalar Birliyi, Qars Ticarət və Sənaye Palatasının və KOBİA-nın birgə təşkiatçılığı ilə keçirilən forumda hər iki ölkənin iqtisadiyyatın müxtəlif sektorlarında fəaliyyət göstərən biznes nümayəndələri ilə yanaşı, Türkiyənin Ardahan, İğdır, Ağrı, Erzurum, Van kimi bölgələrinin ticarət palatalarının, Türkiyənin Kiçik və Orta Müəssisələrin İnkişafı Təşkilatının (KOSGEB) regional nümayəndəliklərinin rəhbərləri iştirak ediblər. 


Forumun məqsədi Azərbaycanda yaradılmış əlverişli biznes və investisiya mühiti, xüsusilə Naxçıvan Muxtar Respublikasının biznes imkanları barədə Türkiyə iş adamlarını məlumatlandırmaq, eləcə də sahibkarlar arasında əlaqələrin genişləndirilməsi, ikitərəfli ticarətin, o cümlədən sərhədyanı ticarətin təşviq edilməsidir.


Tədbirdə Azərbaycan Respublikasının Türkiyə Respublikasındakı səfiri Rəşad Məmmədov, Qars valisi Ziya Polat, KOBİA-nın İdarə Heyətinin sədri Orxan Məmmədov, Qars Ticarət və Sənaye Palatasının sədri Kadir Bozan və KOSGEB-in sədr müavini Selim Serkan Ercan mövzu ətrafında çıxış edərək, ölkələrimiz arasında iqtisadi-ticarət əlaqələrinin və regionlararası əməkdaşlığın genişləndirilməsinə, yeni əməkdaşlıq istiqamətlərinə dair fikir və təkliflərini bölüşüblər. 


Forum çərçivəsində Azərbaycan və Türkiyə tərəfindən hər iki ölkənin biznes və investisiya imkanları, sərhədyanı ticarətə dair potensial barədə təqdimatlar keçirilib, şirkətlər fəaliyyətləri və mümkün əməkdaşlıq istiqamətləri barədə çıxış ediblər. 


Səfər çərçivəsində Azərbaycan iş adamları Qarsda fəaliyyət göstərən bir sıra müəssisələrdə olub, yerli iş adamları ilə ikitərəfli görüşlər keçiriblər. 


Eyni zamanda, KOBİA nümayəndələri Qars Ticarət və Sənaye Palatasının rəhbəri Kadir Bozan, Qars Valisi Ziya Polat və Qars Bələdiyyə başkanı Ötüken Senger ilə görüşüb. Görüşlərdə biznes dairələri arasında əməkdaşlıq, regionlararası əlaqələrin genişləndirilməsi imkanları, sərhədyanı ticarət üçün potensialdan istifadə və bu sahədə müvafiq təşkilatların birgə fəaliyyəti müzakirə edilib. Həmçinin, KOBİA nümayəndələri Azərbaycan Respublikasının Qars şəhərindəki Baş Konsulluğunda olublar.

Powered by Froala Editor