Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Asiya İnkişaf Bankının nümayəndələri “Bakı KOB evi”ndə olub Klasterləşmə – sahibkarlar üçün imkanlar və perspektivlər Oğuzda sahibkarlığın inkişafı və biznes imkanları müzakirə olunub “Yerli şirkətlərin tanıtım sərgisi” keçiriləcək KOB evi modeli, bu mexanizmin sahibkarlar üçün əhəmiyyəti “Gəncə KOB evi” sahibkarlar üçün yeni imkanlar yaradır KOBİA-da Azərbaycan-Qırğızıstan biznes əməkdaşlığına dair görüş keçirilib Sahibkarlar birgə maliyyələşmə proqramından necə yararlana bilərlər? “Caspian Agro Week” və “InterFood Azerbaijan” sərgilərində məhsul və xidmətlərini təqdim etmək istəyən KOB-ların nəzərinə! Azərbaycan Texnologiya Universitetinin tələbələri “Gəncə KOB evi”ndə olub
Özünüməşğulluq proqramına qoşulmuş şəxslər üçün təlimlər başa çatıb 30.05.19
Özünüməşğulluq proqramına qoşulmuş şəxslər üçün təlimlər başa çatıb

Bakı şəhəri üzrə özünüməşğulluq proqramına cəlb edilmiş işsiz və işaxtaran vətəndaşlar üçün İqtisadiyyat Nazirliyinin tabeliyində Kiçik və Orta Biznesin İnkişafı Agentliyində (KOBİA) təşkil olunan təlimlər yekunlaşıb.

KOBİA-nın Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti ilə birgə keçirdiyi təlimlər Bakı şəhəri ilə yanaşı, Gəncə və Sumqayıt şəhərlərində, Abşeron, Yevlax, Qəbələ, Quba, Qusar, Siyəzən və Xaçmaz rayonlarında fəaliyyət göstərən “KOB Dostu” ofislərində də təşkil edilib. İştirakçılara özünüməşğulluq proqramı, biznesə başlama və biznesin təşkili, biznes planların hazırlanması barədə məlumat verilib, onları maraqlandıran suallar cavablandırılıb.

Bakıda keçirilən təlimin sonuncu günü KOBİA-nın şöbə müdiri Nicat Əlizadə təqdimatla çıxış edərək Agentliyin fəaliyyəti, mikro, kiçik və orta sahibkarlıq subyektlərinə göstərilən xidmətlər, dəstək tədbirləri, o cümlədən “KOB Dostu” mexanizmi barədə məlumat verib.

Qeyd edək ki, əhali arasında sahibkarlıq fəaliyyətinin genişləndirilməsi, mikro və kiçik sahibkarlığın inkişafı, məşğulluqda KOB subyektlərinin payının artırılması məqsədilə KOBİA 3 istiqamətdə özünüməşğulluğa dəstək göstərir. Bunlar özünüməşğulluq proqramına cəlb olunmuş şəxslər üçün təlimlərin təşkili, təlim iştirakçılarının mikro və kiçik biznes subyektinə çevrilmələri üçün məsləhət və digər xidmətlərin göstərilməsi, proqrama qoşulmaq istəyən şəxslər üçün məşğulluq mərkəzləri ilə yanaşı, KOB dostlarına müraciət etmək imkanının yaradılmasıdır.

Powered by Froala Editor