KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarlar “Bakı KOB evi”nə daha çox hansı dövlət xidmətləri üçün müraciət edirlər “Startap” şəhadətnaməsinin dublikatını almaq olurmu? KOBİA investorları KOB-ların və startapların layihələrinə sərmayə qoymağa çağırır KOB-ların “yaşıl iqtisadiyyat”a transformasiyası və “yaşıl maliyyələşmə”yə dair seminar keçirilib 6 mikro sahibkara “Startap” şəhadətnaməsi verilib Azərbaycan və Pakistan iş adamları arasında B2B görüşlər keçirilib KOBİA nümayəndələri Səudiyyə Ərəbistanında səfərdə olub Sumqayıtda qadın sahibkarlarla görüş keçirilib “Qarabağ KOB-ları” proqramı 2024-cü ildə də davam etdiriləcək “Sahibkarlar Günü”nə həsr olunmuş konfrans keçirilib

Özəl təhsil sahəsində yeni assosiasiya yaradılıb 02.06.22

Özəl təhsil sahəsində yeni assosiasiya - Azərbaycan Özəl Təhsil Müəssisələri Assosiasiyası yaradılıb.

Kiçik və Orta Biznesin İnkişafı Agentliyinin (KOBİA) dəstəyi ilə yaradılmış assosiasiyanın məqsədi Azərbaycanda fəaliyyət göstərən özəl təhsil müəssisələri arasında səmərəli əməkdaşlığı təmin etmək, ölkəmizdə özəl təhsil sektorunun və yüksək rəqabətli insan kapitalının inkişafına töhfə verməkdir.

Assosiasiya özəl təhsil müəssisələri arasında səmərəli əməkdaşlığın inkişaf etdirilməsi, sektorun rəqabətliliyini təmin etmək məqsədilə özəl təhsil müəssisələrinin fəaliyyətinin genişləndirilməsi, ümumi bazar payının və müvafiq sahədə çalışanların peşəkarlıq səviyyəsinin arıtılması üçün bazar araşdırması, sektoral tədqiqatlar, təlimlər həyata keçirəcək, kadr hazırlığının təmin olunmasına dəstək göstərəcəkdir. Assosiasiya bu tədbirlərin reallaşdırılması üçün dövlət və qeyri-dövlət qurumları ilə sıx əməkdaşlıq etməyi planlaşdırır.

Hazırda assosiasiyanın 20 üzvü var. Assosiasiya digər özəl təhsil müəssisələrini də birgə əməkdaşlığa dəvət edir.

Qeyd edək ki, mayın 31-də KOBİA-nın dəstəyi və Agentlik yanında İctimai Şuranın təşkilatçılığı, eləcə də təhsil naziri Emin Əmrullayevin, müvafiq dövlət qurumlarının və özəl təhsil sahəsində fəaliyyət göstərən sahibkarlıq subyektlərinin iştirakı ilə Azərbaycan Özəl Təhsil Müəssisələri Assosiasiyasının təqdimatı keçirilib.