KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Qars Ticarət və Sənaye Palatasının biznes nümayəndə heyəti üçün Azərbaycanın biznes və investisiya imkanlarına dair təqdimat keçirilib KOBİA könüllülük proqramı ilə bağlı nəticələri açıqlayıb: 850-yə yaxın gənc real iş mühitində təcrübə qazanıb Naxçıvanda 2-ci Azərbaycan-Türkiyə Regional İqtisadi Forumu keçirilib KOBİA startap yarışları ilə yerli layihələrin investorlar üçün cəlbediciliyini artırır KOBİA startapların inkişafı üçün yeni proqramlar tətbiq edəcək Xarici investorların Azərbaycan startaplarına marağı artıb Sənaye, kənd təsərrüfatı və nəqliyyat sahələri üzrə texniki reqlament layihələrinin ictimai müzakirəsi keçirilib Sahibkarların fəaliyyət mühitinin yaxşılaşdırılması ilə bağlı ictimai müzakirə keçirilib Azərbaycan və İordaniya KOB-ları arasında əməkdaşlığın genişləndirilməsi üçün sənəd imzalanıb Azərbaycan məhsulları “Halal Expo 2025” sərgisində

Menecerlərin ixtisasının artırılması üzrə Almaniya-Azərbaycan əməkdaşlığı 29.11.19

Noyabrın 29-da Azərbaycan Respublikasının Kiçik və Orta Biznesin İnkişafı Agentliyi (KOBİA) və Almaniya Beynəlxalq Əməkdaşlıq Cəmiyyətinin (GİZ) təşkilatçılığı ilə “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı”nın 10 illiyinə həsr olunmuş tədbir keçirilib.

Tədbirə Azərbaycan və Almaniya tərəfindən rəsmi şəxslər, proqramdan yararlanaraq Almaniyada təlim və təcrübə keçmiş sahibkar və menecerlər, ümumilikdə 200-dən çox iştirakçı qatılıb.

Tədbirdə çıxış edən İqtisadiyyat nazirinin müavini Niyazi Səfərov, Almaniyanın Azərbaycandakı səfiri Volfqanq Maniq, Almaniyanın Federal İqtisadiyyat və Enerji Nazirliyinin nümayəndəsi Haynts Hetmayer və KOBİA-nın İdarə Heyətinin sədri Orxan Məmmədov Azərbaycan-Almaniya iqtisadi əlaqələrinə, yerli və alman şirkətləri arasında əməkdaşlığa, “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı”nın icrasına və sahibkarlar üçün faydasına dair fikirlərini bölüşüblər.

Gələcək əməkdaşlığa dair müzakirələrin aparıldığı və təkliflərin səsləndirildiyi tədbirdə satış və marketinq sahəsində yeni texnologiyalar, innovasiyalar, Azərbaycan və Almaniyada startap hərəkatı, yeni ideyaların reallaşdırılması, menecment sahəsində dəyişikliklərin idarə olunması mövzularında panel iclaslar keçirilib.

Tədbir iştirakçıları həmçinin, proqramdan faydalanmış sahibkar və menecerlərin məhsullarından ibarət sərgi ilə tanış olublar.