KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA “Rusiya-İslam dünyası: Kazan Forumu” çərçivəsində keçirilən dəyirmi masada təmsil olunub KOBİA “Ambisiyaların artırılması və fəaliyyətə təkan: COP29 Dayanıqlı Biznes Forumu”nda təmsil olunub KOB-lar “Caspian Agro” və “İnterFood Azerbaijan” sərgilərində məhsul və xidmətlərini təqdim edir Azərbaycanda ilk dəfə süni intellektlə işləyən reklam robotu hazırlanıb KOB subyektləri haqqında məlumatlar vahid reyestrdə toplanacaq “Bakı KOB evi”ndə “Heydər Əliyev - unudulmaz lider” adlı foto-xalça sərgisi keçirilib KOB Model Müəssisəsi istehsal prosesində məhsuldarlığı və səmərəliliyi artırır Ölkə sərhədlərini aşan startaplarımız KOBİA Türkiyənin DEİK təşkilatı, eləcə də SESRİC ilə sənədlər imzalayıb Fəaliyyət göstərdiyi ərazidən asılı olmayaraq sahibkarlar istənilən KOB evinin xidmətindən yararlana bilərmi?

KOBİA yanında İctimai Şuranın iclası keçirilib 29.11.21

Noyabrın 29-da Kiçik və Orta Biznesin İnkişafı Agentliyi (KOBİA) yanında İctimai Şuranın iclası keçirilib. İctimai Şuraya üzv olan qeyri-hökumət təşkilatlarının və biznes assosiasiyaların rəhbərlərinin, KOBİA-nın nümayəndələrinin iştirakı ilə keçirilmiş iclasda ötən bir il ərzində şuranın fəaliyyəti və 2022-ci ildə nəzərdə tutulan tədbirlər müzakirə edilib.

İclasdakı çıxışında KOBİA-nın İdarə Heyətinin sədri Orxan Məmmədov Agentliyin qurumun fəaliyyətində ictimai iştirakçılığın təmin edilməsində maraqlı olduğunu, bu sahədə KOBİA yanında İctimai Şura ilə sıx əməkdaşlıq edildiyini vurğulayıb. Bildirilib ki, Agentlik yanında İctimai Şura tərəfindən müxtəlif mövzularda təşkil olunan ictimai müzakirələr dövlət-biznes dialoquna töhfə verməklə, bu sahədə əhəmiyyətli platformadır. KOBİA ilə biznes ictimaiyyəti arasında qarşılıqlı əlaqələrin genişləndirilməsi, Agentliyin dəstək mexanizmlərinin sahibkarlara təqdim olunması və bu alətlərdən istifadənin təşviqi İctimai Şuradan gözləntilər sırasındadır.

Agentlik yanında İctimai Şuranın sədri, Nar İstehsalçıları və İxracatçıları Assosiasiyasının sədri Fərhad Qaraşov 2021-ci il ərzində şura tərəfindən görülmüş işlər və qarşıdakı dövr üçün planlar barədə məlumat verib.

İclasda gündəlikdə olan məsələlərə dair müzakirələr aparılıb, şura üzvlərinin müvafiq sahələrə dair fikir və təklifləri dinlənilib.

Qeyd edək ki, 2018-ci ildən etibarən fəaliyyət göstərən KOBİA yanında İctimai Şura qurumda ictimai iştirakçılığı təmin etməklə, kiçik və orta biznesin inkişafı ilə bağlı görülən tədbirlər və KOBİA-nın fəaliyyətinə ictimai nəzarəti həyata keçirir. İctimai Şurada 15 qeyri-hökumət təşkilatı və sıralarında yüzlərlə sahibkarı birləşdirən biznes assosiasiyalar təmsil olunur.