KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

“1-ci Yerli İstehsalat və İstehsal Texnologiyaları Sərgisi”ndə təmsil olunan şirkət nümayəndələri ilə görüş keçirilib Azərbaycan KOB-lara xidmətlərin göstərilməsi sahəsində təcrübəsini İraqla bölüşəcək 1-ci İraq-Azərbaycan biznes forumu keçirilib 100-ə yaxın yerli şirkətin məhsulları və istehsal texnologiyaları “1-ci Yerli İstehsalat və İstehsal Texnologiyaları Sərgisi”ndə nümayiş olunacaq “Əlilliyi olan sahibkarların idarəetmə bacarıqlarının artırılması” layihəsi çərçivəsində təlimlər keçirilib Daxili bazar araşdırmasının aparılmasında hansı hüquqi və fiziki şəxslər iştirak edə bilər? Azərbaycanlı startapçının layihəsi Türkiyə, Gürcüstan və Orta Asiyada tətbiq ediləcək İndiyədək 630-dan çox gənc KOBİA-da könüllü fəaliyyətinə cəlb edilib Fermerlərə dəstəklə bağlı tədbir keçirilib “Heydər Əliyev və özəl tibb sektoru” mövzusunda tədbir keçirilib

KOBİA və Mərakeşin müvafiq qurumları arasında Anlaşma Memorandumu imzalanıb 15.11.23

KOBİA və Mərakeşin aidiyyəti qurumları arasında imzalanmış sənəddə Azərbaycan və Mərakeş KOB-ları arasında ticarət və investisiya sahəsində əməkdaşlığın təşviqi üçün müxtəlif tədbirlərin həyata keçirilməsi nəzərdə tutulur.

Mərakeş Krallığının paytaxtı Rabat şəhərində rəsmi şəxslərin və iqtisadiyyatın müxtəlif sektorlarında fəaliyyət göstərən iş adamlarının iştirakı ilə Mərakeş-Azərbaycan biznes forumu keçirilib.

Forumda Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov qurumun fəaliyyəti, yerli və xarici iş adamlarının iştirakı ilə birgə layihələrin reallaşdırılmasına Agentliyin dəstəyi barədə məlumat verib, hər iki ölkənin işgüzar dairələri arasında əlaqələrin genişləndirilməsi imkanlarına dair fikirlərini bölüşüb.

Tədbir çərçivəsində KOBİA, Mərakeş Krallığının Kiçik və Orta Sahibkarlığın Təşviqi üzrə Milli Agentliyi (“Maroc PME”) və Mərakeşin İnvestisiya və İxracın İnkişafı Agentliyi (AMDIE) arasında əməkdaşlıq haqqında Anlaşma Memorandumu imzalanıb. Sənədi KOBİA-nın İdarə Heyətinin sədri Orxan Məmmədov, “Maroc PME”nin baş direktoru Brahim Arjdal və AMDIE-nin baş direktoru Əli Seddiki imzalayıblar. Memorandumda Azərbaycan və Mərakeş KOB-ları arasında ticarət və investisiya sahəsində əməkdaşlığın təşviqi məqsədilə müvafiq istiqamətdə yeniliklərə dair məlumat, KOB-ların və startapların dəstəklənməsi, onlara göstərilən xidmətlər, sahibkarlığın inkişafı sahəsində təcrübə mübadiləsi, KOB-lar arasında əlaqələrin qurulmasına dəstək, qarşılıqlı təşviqat tədbirlərinin və biznes missiyaların təşkili və s. məsələlər nəzərdə tutulur.