Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
“İnvestisiya səyahəti” layihəsi çərçivəsində növbəti görüş Ağsuda keçirilib “Startap” şəhadətnaməsi almış bizneslər inkişaf edir 2026-cı ilin I yarısında sahibkarlarla 50-dən çox görüş təşkil olunub Sahibkarlarla növbəti görüş Mingəçevir şəhərində təşkil olunub Test kitləri və tibbi təyinatlı plastik qablaşdırma məhsulları istehsalı müəssisəsi yaradılacaq Şəki-Zaqatala iqtisadi rayonu üzrə sahibkarların müraciətləri dinlənilib Startap rəhbəri: Gələcək fərdiləşdirmə üzərində qurulacaq - MÜSAHİBƏ 27 İyun – Beynəlxalq Mikro, Kiçik və Orta Müəssisələr Günü: dünyanı dəyişən KOB-lar Sahibkarların Balakəndə qəbulu keçiriləcək Türkiyənin Niğde bölgəsinin iş adamları “Bakı KOB evi”ndə olublar
KOBİA nümayəndə heyəti ABŞ-da keçirilən “2-ci Xəzər Biznes Forumu”nda iştirak edib 25.09.19
KOBİA nümayəndə heyəti ABŞ-da keçirilən “2-ci Xəzər Biznes Forumu”nda iştirak edib

Azərbaycan Respublikasının Kiçik və Orta Biznesin İnkişafı Agentliyinin (KOBİA) nümayəndə heyəti ABŞ-ın Nyu-York şəhərində keçirilən “2-ci Xəzər Biznes Forumu”nda iştirak edib.

Müxtəlif ölkələri, o cümlədən Qazaxıstan, Gürcüstan, Tacikistan və Özbəkistanı təmsil edən dövlət qurumlarının və iş adamlarının iştirak etdiyi tədbirdə iqtisadiyyatın müxtəlif sahələrində əməkdaşlıq imkanları və əlaqələrin genişləndirilməsi perspektivləri müzakirə edilib.

Forumda çıxış edən KOBİA-nın İdarə Heyətinin sədri Orxan Məmmədov Azərbaycan iqtisadiyyatı, ölkəmizdə yaradılmış əlverişli biznes və investisiya mühiti, sahibkarlığın, xüsusilə də kiçik və orta biznesin inkişafı istiqamətində görülən tədbirlər barədə məlumat verib. Qeyd olunub ki, ölkəmizdə kiçik və orta sahibkarlığın inkişafına xüsusi önəm verilir və KOB-ların inkişafına dəstək məqsədilə Kiçik və Orta Biznesin İnkişafı Agentliyi yaradılıb. Agentliyin fəaliyyətini, mikro, kiçik və orta sahibkarlara göstərilən xidmət və dəstək mexanizmlərini diqqətə çatdıran KOBİA rəhbəri qurumun KOB sahəsində qabaqcıl ölkələrin, o cümlədən ABŞ təcrübəsinin öyrənilməsində maraqlı olduğunu bildirib.

KOB sektorunda əlaqələrin genişləndirilməsi, təcrübə mübadiləsi üçün KOBİA-nın nümayəndə heyəti 2018-ci ildə də ABŞ-a səfərlər edib, müvafiq sahədə bir sıra məhsuldar görüşlər keçirib, Bostonda Azərbaycan iş adamlarının da qatıldığı Xəzər İnnovasiya Sammitində iştirak ediblər. KOBİA ABŞ-ın KOB sektoru üzrə müvafiq qurumları ilə, eləcə də aqro-biznes, elektron ticarət və s. kimi sahələrdə əməkdaşlıqda maraqlıdır. KOB sektorunda əlaqələrin genişləndirilməsi baxımından müvafiq qurumların və iş adamlarının qarşılıqlı səfərləri də əhəmiyyətlidir. KOBİA ölkəmizə investisiya qoyuluşu, birgə layihələrin reallaşdırılması məqsədilə ABŞ-ın biznes strukturlarını, KOB sektoru təmsilçilərini Azərbaycana səfərə dəvət edir.

ABŞ-a səfər çərçivəsinə KOBİA-nın nümayəndə heyətinin KOB sektorunda əməkdaşlıq imkanlarının müzakirə olunması məqsədilə müxtəlif qurum və təşkilatlarda görüşlərinin keçirilməsi də nəzərdə tutulur.

Powered by Froala Editor