Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
KOBİA-nın təşkilatçılığı ilə Salyanda istixana təsərrüfatlarının sahibkarları ilə görüş keçirilib 17.12.19
KOBİA-nın təşkilatçılığı ilə Salyanda istixana təsərrüfatlarının sahibkarları ilə görüş keçirilib

Dekabrın 17-də Azərbaycan Respublikasının Kiçik və Orta Biznesin İnkişafı Agentliyinin (KOBİA) təşkilatçılığı ilə Salyan rayonunda meyvə-tərəvəz istehsalı ilə məşğul olan istixana təsərrüfatlarının sahibkarları ilə görüş keçirilib.

Dövlət-sahibkar dialoqu platforması çərçivəsində təşkil olunmuş görüşdə Kənd Təsərrüfatı Nazirliyinin, “Azəriqaz” İstehsalat Birliyinin, Salyan Rayon İcra Hakimiyyətinin, eləcə də 50-yə yaxın istixana təsərrüfatının nümayəndələri iştirak ediblər.

Görüşdə sahibkarların qaz sərfiyyatına görə borclarla bağlı güzəştlərin olunması, qaz sayğacı tənzimləyicilərinin yerinin dəyişdirilməsi və s. məsələlərlə bağlı müraciətləri dinlənilib, sualları cavablandırılıb. İstixana təsərrüfatlarında sayğac tənzimləyicilərinin yerinin dəyişdirilməsi ilə bağlı müraciətlərin “Azəriqaz”ın hesabına yerinə yetiriləcəyi, digər müraciətlərlə bağlı isə sahibkarlara dəstək göstəriləcəyi bildirilib.

Tədbirdə iştirak edən KOBİA-nın İdarə Heyətinin sədri Orxan Məmmədov istixana təsərrüfatlarının məşğulluğun təmin olunmasında, ixracın artırılmasında əhəmiyyətini vurğulayıb, bu sahənin KOBİA-nın da diqqət mərkəzində olduğunu qeyd edib. Bildirilib ki, bu görüş sayca 3-cü görüşdür və bundan əvvəl Şəmkir rayonu və Bakı şəhərinin Xəzər rayonunda istixana təsərrüfatlarının sahibləri ilə müzakirələr aparılıb. Belə formatda görüşlərin davamlı olaraq keçirilməsi nəzərdə tutulur.

Görüşdə qaldırılan məsələlərin KOBİA tərəfindən diqqətdə saxlanılacağı və həllinə dəstək göstəriləcəyi bildirilib.

Powered by Froala Editor