Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Sahibkarlığın hansı hüquqi formaları mövcuddur? Siyəzəndə sahibkarlarla biznesin inkişafına dair təklif və ehtiyacları müzakirə edilib Neft-qaz şirkətləri ilə əməkdaşlıq etmək istəyən KOB subyektlərinin nəzərinə! KOBİA-da Heydər Əliyevin anadan olmasının 103-cü ildönümünə həsr olunmuş tədbir keçirilib Ukrayna - Azərbaycan Biznes Şurası çərçivəsində dəyirmi masa keçirilib Sahibkarlar müqavilə bağlayarkən nəyə diqqət etməlidir? Dövlət dəstəyi ilə KOB subyektlərinin məhsul və xidmətləri “Caspian Agro Week”də nümayiş olunur Daha 9 KOB subyektinə “Startap” şəhadətnaməsi verilib “Bakı KOB evi” mükafata layiq görülüb “D-8”ə üzv dövlətlərin KOB-larla iş üzrə dövlət qurumlarının 9-cu görüşü keçirilib
KOBİA İtaliyanın müvafiq təşkilatları ilə əməkdaşlığa dair 3 Anlaşma Memorandumu imzalayıb 21.02.20
KOBİA İtaliyanın müvafiq təşkilatları ilə əməkdaşlığa dair 3 Anlaşma Memorandumu imzalayıb

Azərbaycan Respublikası Prezidentinin İtaliya Respublikasına dövlət səfəri çərçivəsində Romada təşkil olunmuş İtaliya-Azərbaycan biznes forumunda kiçik və orta sahibkarlıq (KOB) sahəsində əməkdaşlıq perspektivləri də müzakirə edilib.

Tədbirdə çıxış edən Azərbaycan Respublikasının Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov ölkələrimiz arasında KOB sahəsində əlaqələrin genişləndirilməsi potensialını diqqətə çatdırıb, bu məqsədlə birgə əməkdaşlıq platformasının yaradılması, texnologiya və innovasiyalar üzrə layihələrin reallaşdırılması, potensial investisiya layihələrinə dair məlumat mübadiləsinin aparılması, Azərbaycan KOB-larının İtaliyaya tanışlıq səfərlərinin, bu səfərlər çərçivəsində sahibkarların müəssisələrə baxış və təlimlərin təşkili, hər iki ölkənin KOB-larının iştirakı ilə Azərbaycanda birgə müəssisələrin yaradılması imkanlarını qeyd edib.

Biznes forum çərçivəsində KOBİA və Kiçik ve Orta Müəssisələrin Beynəlxalq Şəbəkəsi (INSME) arasında Anlaşma Memorandumu imzalanıb. Sənəd Azərbaycan KOB-ları üçün İNSME-yə üzv ölkələrin bazarlarına çıxış üçün geniş imkanlar yaradan tədbirləri özündə ehtiva edir.

KOBİA ilə İtaliyanın Milli Mikrokredit Agentliyi və İtaliya Beynəlmiləlləşdirmə Agentliyi (“Promos İtaliya”) arasında imzalanmış anlaşma memorandumlarında isə KOB-lar üçün mikrokredit alətlərinin təşviqi mexanizmləri, innovativ kreditləşmə, ixraca dəstək tədbirləri, təlim və məsləhət xidmətlərinin təşkili, KOB-ların peşə bacarıqlarının artırılması, birgə layihələrin həyata keçirilməsi kimi istiqamətlərdə əməkdaşlıq nəzərdə tutulur.

Powered by Froala Editor