Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
KOBİA ilə Bakı Ali Neft Məktəbi Anlaşma Memorandumu imzaladı 17.05.19
KOBİA ilə Bakı Ali Neft Məktəbi Anlaşma Memorandumu imzaladı

Azərbaycan Respublikasının Kiçik və Orta Biznesin İnkişafı Agentliyi ilə Bakı Ali Neft Məktəbi (BANM) arasında Anlaşma Memorandumu imzalanıb. İmzalanma mərasimində Agentliyin və Ali Məktəbin nümayəndələri, təhsil müəssisəsinin professor-müəllim heyəti və tələbələri iştirak ediblər.

Azərbaycan Respublikasının Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov Agentlik və BANM arasında Anlaşma Memorandumunun imzalanmasından məmnunluğunu bildirib, BANM tələbələrinin startup layihəsi ilə tanış olduğunu, gələcəkdə onların orta və kiçik sahibkarlıq vərdişlərinin daha da inkişaf etdirilməsi istiqamətində işlərin görüləcəyini və Agentliyin peşəkar mütəxəssislərinin tələbələrə master klasslar keçirəcəyini qeyd edib.

BANM-in rektoru Elmar Qasımov imzalanmış Anlaşma Memorandumunun ali təhsil müəssisəsi və özəl sektor arasında əməkdaşlığın daha bir nümunəsi olduğunu və istər tələbələrin, istərsə də BANM-də çalışan akademik heyətin innovativ ideyalarının Agentlik tərəfindən dəstəklənməsinə şərait yaradacağını qeyd edib.

Anlaşma Memorandumu bir sıra çoxsaylı istiqamətlərlə yanaşı, tələbələr arasında biznes ideyalarının formalaşdırılmasına, innovativ təşəbbüslərin dəstəklənməsinə və ixtiraçıların fəallığının artırılmasına dəstək olacaq. Eyni zamanda imzalanmış Memorandum BANM-in nəzdində fəaliyyət göstərən elmi araşdırma mərkəzləri ilə sahibkarlıq sahəsində tələb olunan statistika və təhlillərin aparılması istiqamətində Agentlik və BANM arasında əməkdaşlığın qurulmasına, həmçinin müvafiq istiqamətlərdə müştərək layihələrin icrasına töhfə verəcək.

Powered by Froala Editor