Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Biznesə xidmət sahəsində innovativ model kimi KOB evlərinə maraq artır “Qarabağ KOB-ları 2026” layihəsi üzrə daha 55 nəfər təlimlərə cəlb olunub Cari ilin I yarısında KOB evlərində sahibkarlara 312 mindən çox xidmət göstərilib ELAN KOBİA-da sahibkarların müraciətləri dinlənilib 2026-cı ilin I yarısında 131 Çağrı Mərkəzi 5000-ə yaxın müraciəti cavablandırıb “İnvestisiya səyahəti” layihəsi çərçivəsində növbəti görüş Ağsuda keçirilib “Startap” şəhadətnaməsi almış bizneslər inkişaf edir 2026-cı ilin I yarısında sahibkarlarla 50-dən çox görüş təşkil olunub Sahibkarlarla növbəti görüş Mingəçevir şəhərində təşkil olunub
KOBİA-da YAP-ın ərazi partiya təşkilatı yaradıldı 14.04.22
KOBİA-da YAP-ın ərazi partiya təşkilatı yaradıldı

Yeni Azərbaycan Partiyasının (YAP) Nərimanov rayon təşkilatının Kiçik və Orta Biznesin İnkişafı Agentliyində (KOBİA) ərazi partiya təşkilatı təsis edilib. 

Aprelin 14-də KOBİA-da keçirilmiş iclasda Agentliyin İdarə Heyətinin sədri Orxan Məmmədov, Yeni Azərbaycan Partiyası Nərimanov rayon təşkilatının sədri Samir Vəliyev, YAP Nərimanov rayon təşkilatının və KOBİA-nın YAP-a üzv olan əməkdaşları iştirak ediblər. 

KOBİA-nın İdarə Heyətinin sədri Orxan Məmmədov Agentlik əməkdaşlarının əksəriyyətinin gənclərdən ibarət olduğunu, 30%-ə yaxın KOBİA əməkdaşının isə YAP-ın üzvü olduğunu qeyd edib, ərazi partiya təşkilatının fəaliyyətinə uğurlar arzulayıb. Bildirilib ki, Agentlik ərazi partiya təşkilatı vasitəsilə YAP-ın tədbirlərində və təşəbbüslərində fəal iştirak edəcək, birgə tədbirlər həyata keçiriləcəkdir. 

Yeni Azərbaycan Partiyası Nərimanov rayon təşkilatının sədri Samir Vəliyev 800 minə yaxın üzvü olan partiyanın bu il 30 illiyinin qeyd ediləcəyini vurğulayıb. Qeyd olunub ki, gənclər YAP-ın yarandığı ilk gündən onun qurucusu, Ulu Öndər Heydər Əliyevin və YAP-ın sədri, Azərbaycan Respublikasının Prezidenti cənab İlham Əliyevin ətrafında sıx birləşiblər. Təşkilat sədri bildirib ki, YAP-ın Nərimanov rayon təşkilatının 110-dan çox ərazi partiya təşkilatı var və KOBİA-da yaradılmış ərazi partiya təşkilatı da qurumun işinə öz töhfəsini verəcək, birgə tədbirlər həyata keçiriləcəkdir.

İclasda KOBİA-nın İdarə Heyətinin sədrinin müşaviri Emil Hüseynli ərazi partiya təşkilatının sədri, Agentliyin baş auditoru Asif Həsənov isə sədr müavini seçilib, birgə fəaliyyət istiqamətləri müzakirə olunub. 

Powered by Froala Editor