Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
KOBİA Böyük Britaniyada KOB sahəsində əməkdaşlığa dair bir sıra görüşlər keçirib 10.03.20
KOBİA Böyük Britaniyada KOB sahəsində əməkdaşlığa dair bir sıra görüşlər keçirib

Azərbaycan Respublikasının Kiçik və Orta Biznesin İnkişafı Agentliyinin (KOBİA) nümayəndələri Böyük Britaniya və Şimali İrlandiya Birləşmiş Krallığına səfər çəçivəsində Londonda Kiçik Biznes Federasiyasında olublar.

KOBİA-nın İdarə Heyətinin sədri Orxan Məmmədov və Kiçik Biznes Federasiyasının Avropa İttifaqı və beynəlxalq əlaqələr idarəsinin direktor müavini Ceyms Sibli ilə keçirilmiş görüşdə KOBİA-nın fəaliyyəti, xarici ölkələrin, o cümlədən Böyük Britaniyanın müvafiq qurumları ilə əməkdaşlığı barədə məlumat verilib, federasiya ilə əməkdaşlığa, qurumun nümayəndələrinin ölkəmizə səfərinin təşkilinə, startaplara və KOB-lara xidmətlərin göstərilməsi sahəsində təcrübə mübadiləsinə dair müzakirələr aparılıb.

Avropa Yenidənqurma və İnkişaf Bankının (AYİB) Direktorlar Şurasının üzvü Taşkın Temizlə təşkil olunmuş görüşdə AYİB-in 2019-2024-cü illər üzrə strategiyası çərçivəsində KOB-ların dəstəklənməsi istiqamətində, eləcə də dövlət-özəl sektor tərəfdaşlığı sahəsində əməkdaşlığa, AYİB-in Bakı ofisi ilə birgə KOB-ların iştirakı ilə konfransın təşkilinə dair fikir mübadiləsi aparılıb.

London Ticarət və Sənaye Palatasının baş icraçı direktorunun müavini Peter Bişopla görüşdə isə KOBİA-nın və Palatanın fəaliyyəti, KOB-lara göstərilən xidmətlər barədə qarşılıqlı şəkildə məlumat verilib, Azərbaycan şirkətlərinin dünyanın ən böyük biznesə dəstək şəbəkələrindən olan Avropa Sahibkarlar Şəbəkəsinə (Enterprise Europe Network) qoşulması imkanlarına, KOB-lara xidmətlərin göstərilməsi, bazarlara çıxış sahələrində təcrübə mübadiləsinə, eləcə də ixrac sahəsində KOB-ların bilik və bacarıqlarının artırılması barədə müzakirələr aparılıb.

Powered by Froala Editor