Please ensure Javascript is enabled for purposes of website accessibility
Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOB-ların satış imkanlarının genişləndirilməsi, alış-veriş, master-klasslar və mədəni proqram - “KOB FEST” başlayır Birləşmiş Ərəb Əmirliklərinin iqtisadiyyat nazirinin müavini “Bakı KOB evi”ndə olub KOB-lar "Caspian Oil and Gas" Sərgisində Ölkə regionlarında “KOB FEST” sərgi-satış yarmarkaları keçiriləcək KOBİA ilə Belarus Ticarət və Sənaye Palatası arasında sənəd imzalanıb “Startap” şəhadətnaməsi almış KOB subyektlərinin sayı 151-ə çatıb KOBİA yanında İctimai Şuranın təşkilatçılığı ilə quşçuluq ilə bağlı ictimai müzakirə təşkil olunub “Gənc MÜSİAD Azərbaycan”ın üzvləri olan tələbələrlə görüş keçirilib KOBİA Beynəlxalq Xəzər Neft və Qaz Sərgisində “yaşıl KOB” konsepsiyası ilə çıxış edir KOB subyektlərinin layihələrinin maliyyələşdirilməsi üçün elan edilmiş 5-ci qrant müsabiqəsinin nəticələri açıqlanıb
KOBİA Beynəlxalq Xəzər Neft və Qaz Sərgisində “yaşıl KOB” konsepsiyası ilə çıxış edir 04.06.24
KOBİA Beynəlxalq Xəzər Neft və Qaz Sərgisində “yaşıl KOB” konsepsiyası ilə çıxış edir

Məqsəd “yaşıl KOB”ları və “yaşıl startap”ları tanıtmaq və işgüzar əlaqələrini genişləndirməyə dəstək olmaq, KOB-ların “yaşıl iqtisadiyyat”da rolunun və “yaşıl KOB”ların sayının artırılmasını təşviq etməkdir. 

İyunun 4-də Bakı Ekspo Mərkəzində Bakı Enerji Həftəsi çərçivəsində 29-cu Beynəlxalq Xəzər Neft və Qaz Sərgisi (“Caspian Oil and Gas”) və 12-ci Xəzər Beynəlxalq Energetika və Yaşıl Enerji Sərgisi (“Caspian Power”) öz işinə başlayıb.   

Builki sərgidə Kiçik və Orta Biznesin İnkişafı Agentliyi (KOBİA) “yaşıl KOB” konsepsiyası ilə iştirak edir. KOBİA-nın dəstəyi ilə yaradılmış stenddə KOB subyektlərinin və startapların “yaşıl layihə”ləri nümayiş olunur. Stenddə 10-a yaxın KOB subyektinin alternativ və bərpa olunan enerji, ətraf mühitə təsirin ölçülməsi, təhlükəli tullantıların emalı və ləğvinə dair müxtəlif cihazlar və qurğular, ağıllı suvarma sistemləri sərgilənir, xidmətlər təklif olunur. 

Məqsəd ölkəmizdə elan edilmiş “Yaşıl dünya naminə həmrəylik ili” və cari ildə Azərbaycanın ev sahibliyi edəcəyi COP29 kimi mötəbər tədbir ərəfəsində yerli “yaşıl KOB”ları və startapların “yaşıl layihə”lərini geniş auditoriyaya tanıtmaq, onların işgüzar əlaqələrini genişləndirməyə dəstək olmaq, KOB-ların “yaşıl iqtisadiyyat”da rolunun və “yaşıl KOB”ların sayının artırılmasını təşviq etməkdir. 

Sərgi çərçivəsində yerli və xarici şirkətlər, eləcə də digər maraqlı tərəflər KOBİA-nın stendinə yaxınlaşmaqla “yaşıl KOB”larla görüşlər keçirə, əməkdaşlıq imkanlarını müzakirə edə bilərlər. 

Qeyd edək ki, “Caspian Oil and Gas” və “Caspian Power” sərgiləri iyunun 6-dək davam edəcək. Sərgilərdə 37 ölkədən 300-dək şirkətin məhsul və xidmətləri təqdim olunur. 

Powered by Froala Editor