Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Milli Yaylaq Festivalı keçiriləcək Tibb biznesinə dair ictimai müzakirə təşkil olunub Qurban bayramı ərəfəsində sahibkarlarla görüşlər keçirilir Zaur Qardaşov: “Startap” şəhadətnaməsi xarici bazarlara çıxışı asanlaşdırır” KOBİA və Kiçik Biznes üzrə Beynəlxalq Şura arasında görüş keçirilib KOBİA-nın rəhbərliyi Nyu-Yorkda Türkiyənin konsulluğunda olub KOBİA və ABŞ-ın Alhambra Palatası arasında görüş keçirilib KOBİA BMT-nin Baş Qərargahında beynəlxalq KOB gününə həsr olunmuş tədbirdə təmsil olunub Ölkə sahibkarlarının 99,6%-ni KOB-lar təşkil edir KOBİA və BNA yeni dövlət-özəl əməkdaşlığı layihəsinə start verdi
KOB sahəsində Türkiyə ilə əməkdaşlığın genişləndirilməsi üçün imkanlar genişdir 19.05.22
KOB sahəsində Türkiyə ilə əməkdaşlığın genişləndirilməsi üçün imkanlar genişdir

Azərbaycan və Türkiyədə bizneslərin 99%-ni kiçik və orta sahibkarlıq (KOB) subyektləri təşkil edir. KOB-lar arasında iqtisadi əlaqələrin genişləndirilməsi ölkələrimiz arasında ümumi ticarət dövriyyəsinin və investisiyaların həcminin artırılmasına əhəmiyyətli töhfə verə bilər.

Bu barədə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Azərbaycan - Türkiyə İş Adamları İctimai Birliyinin (ATİB) Ümumi Yığıncağındakı çıxışı zamanı məlumat verib. Qeyd olunub ki, KOBİA müxtəlif mexanizm və xidmətlər vasitəsilə Azərbaycanda fəaliyyət göstərən və ya biznes qurmaq istəyən iş adamlarına dəstək göstərməyə hazırdır. KOB evləri, KOB inkişaf mərkəzləri, KOB dostu şəbəkəsi, daxili bazar araşdırmasına dəstək, “Startap” şəhadətnaməsi və s. KOBİA tərəfindən təmin edilən dəstək alətlərindəndir. Qarşılıqlı iqtisadi aktivliyin artırılması üçün ənənəvi biznes modelləri ilə yanaşı, dövlət-özəl sektor tərəfdaşlığı (PPP) və klasterləşmə kimi təşkilati-hüquqi formalardan da geniş istifadə oluna bilər. İşğaldan azad edilmiş torpaqlarımızın iqtisadiyyata reinteqrasiyası prosesinə türk iş adamlarının cəlbi Türkiyə ilə iqtisadi əlaqələrimizin yeni sahəsini formalaşdırır. İşğaldan azad edilmiş ərazilərdə sahibkarlıqla məşğul olmaq üçün KOBİA-ya daxil olmuş xarici müraciətlərin əksəriyyəti türk şirkətlərinə məxsusdur. 

Powered by Froala Editor