KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

“Sahibkarlar Günü”nə həsr olunmuş konfrans keçirilib KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə!

KOB-ların maliyyə savadlığının artırılması üçün vebinar təşkil edilib 06.10.20

Oktyabrın 6-da Kiçik və Orta Biznesin İnkişafı Agentliyinin (KOBİA) təşkilatçılığı və Azərbaycan Mərkəzi Bankının dəstəyi ilə “KOB subyektlərinin maliyyə savadlılığının artırılması” və “Daşınar Əmlakın Yüklülüyünün Dövlət Reyestrinin(DƏYDR)sahibkarlıq fəaliyyətində rolu” mövzularında vebinar keçirilib. Sahibkarların iştirakı ilə təşkil olunmuş onlayn tədbirdə DƏYDR-in mahiyyəti, təminat predmeti olan daşınar əmlaklar, daşınar əmlakı girov qoyaraq kreditin əldə olunması imkanları, müraciət proseduru, informasiya resursunun üstün cəhətləri barədə məlumat verilib, sahibkarları maraqlandıran suallar cavablandırılıb. Eyni zamanda KOB subyektlərinin diqqətinə çatdırılıb ki, DƏYDR-dən aktiv istifadəni təşviq etmək məqsədilə xidmət haqqının aşağı salınması istiqamətində mövcud hüquqi-normativ bazaya dəyişikliklər edilib.

Vebinarda həmçinin, KOBİA-nın kiçik və orta sahibkarlığın yaradılması və inkişafının bütün mərhələlərində göstərdiyi dəstək və xidmətlər barədə məlumat verilib, KOB subyektlərinin maliyyə resurslarına çıxış imkanlarının yaxşılaşdırılmasının qurumun fəaliyyət istiqamətlərindən olduğu, bu sahədə sahibkarların dövlətin güzəştli kreditlərinə və digər maliyyə resurslarına çıxışla bağlı müvafiq qurumlarla əlaqələndirildiyi, Agentliyin struktur bölməsi olan KOB inkişaf mərkəzləri tərəfindən sahibkarların maliyyə savadlığının artırılması üçün təlim və məsləhət xidmətlərinin göstərildiyi diqqətə çatdırılıb. Qeyd olunub ki, Bakı, Sumqayıt və Xaçmaz şəhərlərində fəaliyyət göstərən KOB inkişaf mərkəzlərində sahibkarlara digər istiqamətlərlə yanaşı, maliyyə resurslarının idarə olunması, mühasibatlıq, dövlətin maliyyə resurslarına çıxış və ondan istifadə istiqamətlərində təlim və məsləhət xidmətləri göstərilir, sahibkarlar məlumatlandırılır.