Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA yanında daimi fəaliyyət göstərən Koordinasiya Qrupunun növbəti iclası keçirilib Vergi yükü azalır, hədəflər böyüyür: yerli startaplardan qlobal bazara iddialı addımlar - II HİSSƏ “Qarabağ KOB-ları 2026” layihəsi çərçivəsində növbəti peşə təlimləri başa çatıb Azərbaycanın innovativ startapları: süni intellekt, rəqəmsal transformasiya, ciddi hədəflər Sahibkarlar üçün məsləhət xidmətləri davam edir Hər bir biznes fəaliyyəti üçün lisenziya almaq lazımdırmı? Sentyabr ayında sahibkarlar üçün ödənişsiz biznes təlimlər keçiriləcək Strateji investisiya layihələri üzrə investisiya təşviqi sənədinin verilməsi davam edir Lənkəran-Astara iqtisadi rayonu üzrə sahibkarların müraciətləri dinlənilib Daha 10 KOB subyekti vergi güzəştindən yararlanacaq
KOB-lar üçün alternativ maliyyələşdirilmə mexanizmləri müzakirə edilib 30.07.19
KOB-lar üçün alternativ maliyyələşdirilmə mexanizmləri müzakirə edilib

Azərbaycan Respublikasının Kiçik və Orta Biznesin İnkişafı Agentliyində (KOBİA) alternativ maliyyə mexanizmlərinə dair Dəyirmi Masa keçirilib.

Maliyyə, Vergilər nazirliklərinin, Maliyyə Bazarlarına Nəzarət Palatasının və Mərkəzi Bankın nümayəndələrinin də iştirak etdiyi tədbirdə ölkəmizdə kiçik və orta sahibkarlığın maliyyələşdirilməsi sahəsində mövcud dövlət dəstəyi mexanizmləri, bu sahədə alternativ maliyyələşmə üzrə potensial imkanlar müzakirə edilib.

Tədbirdə İslam İnkişaf Bankı Qrupunun “İslam bankçılığı üçün hüquqi çərçivənin inkişaf etdirilməsi” texniki yardım layihəsi çərçivəsində həyata keçirilən araşdırmalar barədə də məlumat verilib. Qeyd olunub ki, beynəlxalq və yerli şirkətlərin yaratdığı konsorsium (İslamic Finance Advisory and Assurance Services (İFAAS) və “EKVITA Consulting” MMC) tərəfindən həyata keçirilən layihənin əsas məqsədi ölkə iqtisadiyyatına alternativ investisiya və maliyyə vəsaitlərinin cəlb edilməsi, bankçılıq, mikromaliyyə, qiymətli kağızlar və sığorta bazarlarının inkişafına töhfə vermək, yerli bazarda, xüsusilə kiçik və orta biznes (KOB) üçün yeni maliyyə məhsullarının və xidmətlərin təqdim olunması, maliyyə sahəsində fəaliyyət göstərən şirkətlərin yeni əməkdaşlıq imkanlarının yaradılmasıdır.

Dəyirmi masada alternativ maliyyələşmə mexanizmlərinə dair xarici ekspertlər tərəfindən təqdimatlar keçirilib, bu sahədə tədbir iştirakçılarını maraqlandıran suallar cavablandırılıb.

Qeyd edək ki, “Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi”ndə də KOB subyektlərinin maliyyələşdirilməsində alternativ maliyyə alətlərindən istifadənin genişləndirilməsi və bu sahədə araşdırmaların aparılması öz əksini tapıb.

Powered by Froala Editor