Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
KOB Fest sərgi-satış yarmarkasında 80-ə yaxın KOB-un məhsulları satılır 14.10.22
KOB Fest sərgi-satış yarmarkasında 80-ə yaxın KOB-un məhsulları satılır

Oktyabrın 14-də Kiçik və Orta Biznesin İnkişafı Agentliyinin (KOBİA) təşkilatçılığı ilə Bakı Bulvarında (Kukla Teatrının arxasında) ilin son “KOB Fest” – sərgi-satış yarmarkası öz işinə başlayıb. 


Yarmarkanın məqsədi mikro və kiçik sahibkarlıq subyektlərinin istehsal etdiyi məhsul və xidmətlərin geniş istehlakçı auditoriyasına təqdim edilməsi, satış imkanlarının genişləndirilməsi, yerli məhsulların tanıdılması və KOB-ların satış bacarıqlarının artırılmasıdır.  


Yarmarkada 80-ə yaxın mikro və kiçik sahibkarlıq subyektinin 800-dən çox çeşiddə məhsul və xidmətləri təqdim edilir və satılır. Sərgi-satış yarmarkasında KOB subyektlərinin istehsal etdikləri bal, şirniyyat məhsulları, kofe, sərinləşdirici içkilər, zəfəran, mürəbbə, əzmələr, sənətkarların və yaradıcı şəxslərin əl işləri, toxuculuq məhsulları, geyimlər, aksessuarlar, dəri və taxtadan suvenirlər, keramika, rəsm əsərləri, kitablar, təhsil və təlim xidmətləri və s. nümayiş olunur. 


“KOB Fest”də həmçinin Cəbrayıl rayonunun Cocuq Mərcanlı kəndində fəaliyyət göstərən suvenir istehsalı müəssisəsində istehsal olunmuş hədiyyəlik saxsı qablar, kiçik ölçülü xalçalar, əl işləri sərgilənir. Qeyd edək ki, suvenir istehsalı müəssisəsi “Cocuq Mərcanlının İnkişafı” Fondu, Türkiyə və Azərbaycan İş Adamları və Sənayeçilər İctimai Birliyi (TÜİB), KOBİA, Türk Əməkdaşlıq və Koordinasiya Agentliyinin (TİKA) birgə dəstəyi ilə yaradılıb. 


Festival çərçivəsində mədəni-əyləncəli proqram da təşkil edilib.  


Sərgi-satış yarmarkası oktyabrın 15-dək saat 10.00-dan 18.30-dək açıq olacaqdır.  


Sərginin açılışında çıxış edən KOBİA-nın İdarə Heyətinin sədri Orxan Məmmədov KOB-ların satış imkanlarının genişləndirilməsinə göstərilən dəstək, KOB Fest sərgi-satış yarmarkaları barədə məlumat verib. Qeyd edilib ki, 2022-ci ilin aprel ayından başlayaraq Bakı, Gəncə, Şəki, Lənkəran, Sumqayıt, Şəmkir və Qubada 7 “KOB Fest” sərgi-satış yarmarkası təşkil olunub. KOB festlərdə ümumilikdə 450-dən çox sahibkarlıq subyekti və sənətkarların 4 mindən çox çeşiddə məhsul və xidmətləri təqdim edilib, satışına imkan yaradılıb.  


Tədbirdə həmçinin, əmək və əhalinin sosial müdafiəsi nazirinin müavini Vüsal Nəsirli, Dövlət Məşğulluq Agentliyinin İdarə Heyəti sədrinin müavini Cəmaləddin Quliyev, Azərbaycan Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev çıxış edərək sərginin KOB-ların satış imkanlarının genişləndirilməsində əhəmiyyəti barədə fikirlərini bölüşüblər. 

Powered by Froala Editor