“İxracın əsasları: Haradan başlamaq lazımdır?” və "Logistika və təchizat zəncirinin idarə edilməsi" mövzularındakı təlimdə ixraca hazırlıq, hədəf bazarının seçilməsi, tələbin və rəqiblərin təhlili, logistika kimi mövzularda sahibkarlar məlumatlandırılıb. 

Aprel, may və iyun ayları ərzində ixracla məşğul olan və ixraca hazırlaşan sahibkarlar üçün təlimlər keçiriləcək. Kiçik və Orta Biznesin İnkişafı Agentliyi (KOBİA) tərəfindən təşkil olunan təlimlərin məqsədi ixracatçı sahibkarların beynəlxalq bazarlara çıxış imkanları barədə məlumatlandırılması və ixrac proseslərini effektiv şəkildə idarə etmələrinə dəstək olmaqdır.

Aprel ayı üzrə ilk onlayn təlim “İxracın əsasları: Haradan başlamaq lazımdır?” və "Logistika və təchizat zəncirinin idarə edilməsi" mövzularına həsr olunub. Təlimdə Kanada İxracın İnkişafı Agentliyinin əməkdaşı, beynəlxalq ticarət sahəsində ekspert Samir Musayev tərəfindən təlimdə şirkətin ixraca hazırlığı, hədəf bazarının seçilməsi, tələbin və rəqiblərin təhlili, ixrac prosesinin əsas mərhələləri, logistika sahəsində etibarlı tərəfdaşların seçilməsi, nəqliyyat xərclərinin optimallaşdırılması, çatdırılma ilə bağlı zamanın və risklərin idarə edilməsi ilə bağlı məlumat verilib, sahibkarları maraqlandıran suallar cavablandırılıb. 

Ümumilikdə təlimdə 20-yə yaxın sahibkar iştirak edib.

Powered by Froala Editor