KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

“Sahibkarlar Günü”nə həsr olunmuş konfrans keçirilib KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə!

"İqtisadiyyatda qadın qüdrəti" mövzusunda tədbir keçirilib 03.03.23

Azərbaycanda Qadın Sahibkarlığının İnkişafı Assosiasiyasının (AQSİA) təşkilatçılığı, Kiçik və Orta Biznesin İnkişafı Agentliyinin (KOBİA) dəstəyi ilə Ümummilli Lider Heydər Əliyevin 100 illik yubileyinə həsr olunmuş "İqtisadiyyatda qadın qüdrəti" mövzusunda tədbir keçirilib.

Tədbirdə rəsmi şəxslər və iqtisadiyyatın müxtəlif sektorlarında təmsil olunan qadın sahibkarlar iştirkak ediblər.

Tədbirdəki çıxışında KOBİA-nın İdarə Heyətinin sədri Orxan Məmmədov iqtisadiyyatda və məşğulluqda qadın sahibkarların rolu, eləcə də Agentliyin biznes subyektlərinə göstərdiyi dəstək və xidmətlər barədə danışıb. Qeyd edilib ki, hazırda həm qlobal səviyyədə, həm də ölkəmizdə qadınlar kiçik biznes yaratmağa və özünüməşğulluğa getdikcə daha çox maraq göstərirlər. Statistikaya əsasən ölkəmizdə qeydiyyata alınmış fərdi sahibkarların 22%-ni qadınlar təşkil edir. Onların arasında kənd təsərrüfatı, ticarət və digər sahələrdə fəaliyyət göstərən qadınlar üstünlük təşkil edir. Qadınlar biznes fəaliyyətinə başlamaq və sahibkarlıq fəaliyyətini genişləndirmək üçün KOBİA-nın təlim, məsləhət, beynəlxalq ixtisasartırma, maliyyə resurslarına və satış bazarlarına çıxış, qrant, daxili bazar araşdırması, “Startap” şəhadətnaməsi və s. dəstək və xidmətlərindən faydalanırlar. Həmçinin, qadınların sahibkarlıq sahəsində yeniliklər, dəstək mexanizmləri barədə məlumatlandırılması, onların fikir və təkliflərinin öyrənilməsi üçün mütəmadi olaraq Agentlik tərəfindən maarifləndirici tədbirlər təşkil olunur.

AQSİA-nın İdarə Heyətinin sədri Səkinə Babayeva, Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili, Milli Məclisin Ailə, qadın və uşaq məsələləri komitəsinin sədri Hicran Hüseynova, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev və Azərbaycanda Qadın Sahibkarlığının İnkişafı Assosiasiyasının İdarə Heyətinin üzvü Zərifə Quliyeva tədbirdəki çıxışlarında ölkəmizin ictimai-siyasi, sosial-iqtisadi həyatında qadınların rolu, Ulu Öndər Heydər Əliyevin cəmiyyətdə qadının rolunun yüksəldilməsinə və qadın sahibkarlığının inkişafına göstərdiyi diqqət barədə fikirlərini bölüşüblər.

Tədbirin sonunda bir qrup qadın sahibkar AQSİA tərəfindən mükafatlandırılıb.