“Bakı KOB evi”ndə Kiçik və Orta Biznesin İnkişafı Agentliyinin (KOBİA), Dövlət Gömrük Komitəsinin Bakı Baş Gömrük İdarəsinin və Azərbaycan Gömrük Təmsilçiliyi və Logistika Şirkətlərinin Assosiasiyasının birgə təşkilatçılığı ilə idxal-ixrac əməliyyatları ilə məşğul olan, logistika sektorunda fəaliyyət göstərən KOB subyektləri ilə görüş keçirilib. 

Tədbirdə Səhiyyə Nazirliyinin və Azərbaycan Qida Təhlükəsizliyi Agentliyinin nümayəndələri də iştirak ediblər. 

Dövlət-özəl sektor əməkdaşlığı çərçivəsində təşkil olunmuş görüşün məqsədi sahibkarların, xüsusilə də idxal-ixrac və logistika sahəsində fəaliyyət göstərən iş adamlarının qarşılaşdıqları çətinliklərin öyrənilməsi, bu sahədə dövlət qurumları və özəl sektor arasında dialoq mühitini təmin etmək olub. Tədbir çərçivəsində 100-ə yaxın sahibkarın idxal-ixrac əməliyyatları, daşıma ilə bağlı sualları cavablandırılıb, aidiyyəti qurumlar tərəfindən mövcud prosedurlar və qaydalar izah olunub, tərəflər təklif və tövsiyələrini bölüşüb, qarşılıqlı əməkdaşlıq üçün gələcək addımlar müzakirə edilib.

Powered by Froala Editor