Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA-nın dəstəyi ilə KOB-lar “Caspian Oil & Gas” sərgisində məhsul və xidmətlərini nümayiş etdirirlər Xızı rayonunda sahibkarlarla görüş keçirilib “Yerli şirkətlərin tanıtım sərgisi”ndə məhsul və xidmətlərini təqdim etmək istəyən mikro və kiçik sahibkarların nəzərinə! ELAN AQEM-in Biznes Şurasının İdarə Heyətinin onlayn iclası keçirilib Daxili bazar araşdırmasının aparılmasına görə ödənilən dəstək məbləği nə qədərdir və bu məbləğ nəyə əsasən müəyyən edilir? Qazax-Tovuz iqtisadi rayonu üzrə sahibkarların müraciətləri dinlənilib “Xaçmaz KOB evi”nin Xudat Xidmət Mərkəzində Kənd Təsərrüfatı Nazirliyinin xidməti masası fəaliyyətə başlayıb WUF13 çərçivəsində KOB-ların dayanıqlı şəhər inkişafında rolu müzakirə edilib Dayanıqlı şəhərlər və mavi-yaşıl infrastruktur müzakirə olunub
“Əlilliyi olan sahibkarların idarəetmə bacarıqlarının artırılması” layihəsi çərçivəsində təlimlər keçirilib 06.12.23
“Əlilliyi olan sahibkarların idarəetmə bacarıqlarının artırılması” layihəsi çərçivəsində təlimlər keçirilib

KOBİA-nın “Əlilliyi olan sahibkarların idarəetmə bacarıqlarının artırılması” layihəsi çərçivəsində 30-a yaxın əlilliyi olan şəxs üçün sosial ünsiyyət bacarıqları, psixoloji dayanıqlıq, sosial mediadan istifadə və natiqlik bacarıqları ilə bağlı təlimlər təşkil edilib.

Əlilliyi olan şəxslərin cəmiyyətə inteqrasiyası və məşğulluğunun təmin olunmasında onların sahibkarlıq fəaliyyətinə və özünüməşğulluq proqramlarına cəlb olunması əhəmiyyətlidir. Bu məqsədlə Kiçik və Orta Biznesin İnkişafı Agentliyi (KOBİA) tərəfindən əlilliyi olan şəxslər arasında sahibkarlıq fəaliyyəti təşviq edilir, onların biznesə başlamasına və sahibkarlıq fəaliyyətlərinin inkişafına müxtəlif dövlət dəstəyi mexanizmləri çərçivəsində dəstək göstərilir, biznesyönümlü təlim və məsləhət xidmətləri, əlaqələndirmə, məhsullarının tanıdılması və satışına dəstək təmin edilir. 

Bu istiqamətdə görülən tədbirlərin davamı olaraq KOBİA tərəfindən 2023-cü ilin oktyabr ayında “Əlilliyi olan sahibkarların idarəetmə bacarıqlarının artırılması” layihəsinə start verilib. Layihə çərçivəsində biznes fəaliyyəti ilə məşğul olan və ya başlamağı planlaşdıran 30-a yaxın əlilliyi olan şəxsin təqdimat bacarığı və natiqlik imkanlarının artırılması üçün 4 istiqamət üzrə (sosial ünsiyyət bacarıqları, sosial mediadan istifadə, psixoloji dayanıqlıq və natiqlik) peşəkar mütəxəssislər tərəfindən xüsusi təlimlər keçirilib. Həmçinin, əliliyi olan sahibkarların, dövlət və özəl təşkilatların nümayəndələrinin iştirakı ilə dəyirmi masa və seminarlar təşkil olunub.  

Dekabrın 5-də layihə çərçivəsində “Əlilliyi olan sahibkarların idarəetmə bacarıqlarının artırılması” mövzusunda forum təşkil olunub. KOBİA, Dövlət Məşğulluq Agentliyi və digər müvafiq dövlət qurumlarının, özəl sektor təmsilçilərinin iştirakı ilə keçirilən tədbirdə Azərbaycanda xüsusi qayğıya ehtiyacı olan şəxslərin cəmiyyətə inteqrasiyası, onların məşğulluq imkanlarının artırılması məqsədilə həyata keçirilən layihələr, o cümlədən “Əlilliyi olan sahibkarların idarəetmə bacarıqlarının artırılması” layihəsi barədə məlumat verilib, mövzu ilə bağlı fikir mübadiləsi aparılıb. 

Forum çərçivəsində layihədən yararlanmış sahibkarlara sertifikatlar təqdim olunub.

Powered by Froala Editor