Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA yanında daimi fəaliyyət göstərən Koordinasiya Qrupunun növbəti iclası keçirilib Vergi yükü azalır, hədəflər böyüyür: yerli startaplardan qlobal bazara iddialı addımlar - II HİSSƏ “Qarabağ KOB-ları 2026” layihəsi çərçivəsində növbəti peşə təlimləri başa çatıb Azərbaycanın innovativ startapları: süni intellekt, rəqəmsal transformasiya, ciddi hədəflər Sahibkarlar üçün məsləhət xidmətləri davam edir Hər bir biznes fəaliyyəti üçün lisenziya almaq lazımdırmı? Sentyabr ayında sahibkarlar üçün ödənişsiz biznes təlimlər keçiriləcək Strateji investisiya layihələri üzrə investisiya təşviqi sənədinin verilməsi davam edir Lənkəran-Astara iqtisadi rayonu üzrə sahibkarların müraciətləri dinlənilib Daha 10 KOB subyekti vergi güzəştindən yararlanacaq
Ekoloji, sosial və korporativ idarəetmə prinsipləri ilə bağlı məcmuə hazırlanıb 07.05.24
Ekoloji, sosial və korporativ idarəetmə prinsipləri ilə bağlı məcmuə hazırlanıb

Biznesində ESG prinsiplərini tətbiq etmək istəyən sahibkarlar və digər maraqlı tərəflər məcmuə ilə KOBİA-nın saytından tanış ola bilərlər.

Ölkəmizdə ekoloji, sosial və korporativ idarəetmə (ESG) prinsiplərinin tətbiqinin stimullaşdırılması və təşviqi üzrə 2023-cü il üçün Yol Xəritəsi çərçivəsində ESG-yə dair müxtəlif məsələlər üzrə məlumatların toplandığı məcmuə hazırlanıb. 

Məcmuədə ESG üzrə ölkəmizin beynəlxalq öhdəlik və vəzifələri, qanunvericilik bazası, statistik məlumatlar, qiymətləndirmə metodologiyaları, hesabatlıq standartları və digər məsələlər öz əksini tapıb.

Biznesində ESG prinsiplərini tətbiq etmək istəyən sahibkarlar və digər maraqlı tərəflər məcmuə ilə Kiçik və Orta Biznesin İnkişafı Agentliyinin (KOBİA) www.smb.gov.az saytından tanış ola bilərlər (https://smb.gov.az/storage/ESGMecmue2024.pdf). 

Qeyd edək ki, ESG-nin əsas elementlərindən biri olan “yaşıl iqtisadiyyat”a transformasiya KOB-lar üçün faydalıdır. Belə ki, ESG prinsiplərinin müəssisələrdə tətbiqi ətraf mühitinin mühafizəsinə xidmət etməklə yanaşı, səmərəli və qənaətli texnologiyaların tətbiqi,  eləcə də yaşıl innovasiyaların biznes proseslərinə inteqrasiyası KOB subyektlərinin xərclərinin optimallaşdırılmasına, məhsuldarlığının yüksəldilməsinə və rəqabət qabiliyyətinin artırılmasına müsbət təsir göstərir. İstehsal prosesinin ətraf mühitin mühafizəsi standartlarına uyğunlaşdırılması və yaşıl məhsulların istehsalı biznesin ixrac potensialının və maliyyə resurslarına çıxış imkanının artırılmasına xidmət edir. Bu gün beynəlxalq investorlar sərmayə ilə bağlı qərarlar verən zaman yaşıl məsələləri də özündə ehtiva edən ESG prinsiplərinə üstünlük verirlər. 

Azərbaycanda ESG prinsiplərinin daha geniş şəkildə təşviq edilməsi, bu istiqamətdə dövlət və özəl sektorun səylərinin birləşdirilməsi və konseptual baxışın formalaşdırılaraq həyata keçirilməsinin təmin edilməsi məqsədilə 2022-ci ildə Biznes mühiti və beynəlxalq reytinqlər üzrə Komissiyanın “Korporativ idarəetmə, investisiyalar və korporativ sosial məsuliyyət” işçi qrupunun “Ekoloji, sosial və korporativ idarəetmə standartları” üzrə altqrupu yaradılıb. Altqrupa KOBİA rəhbərlik edir. Altqrupun tərkibinə dövlət, özəl və ictimai sektoru təmsil edən 20-yə yaxın qurum və təşkilatın nümayəndələri daxildir. ESG sahəsində sistemli fəaliyyətin təmin edilməsi məqsədilə ölkəmizdə ortamüddətli dövr üçün Strateji Baxış formalaşdırılıb və Yol Xəritəsi təsdiq edilib.   

Powered by Froala Editor